ءماجىلىستىڭ تاراتىلۋى: پارلامەنت فۋنتسيالارىن سەنات اتقارادى
«قازاقستان رەسپۋبليكاسى كونستيتۋتسياسىنىڭ 55-بابىنىڭ 5-تارماعىنا سايكەس، ءماجىلىس وكىلەتتىگىن مەرزىمىنەن بۇرىن توقتاتقان كەزەڭدە، سەنات كونستيتۋتسيالىق زاڭدار مەن باسقا دا زاڭداردى قابىلداۋ جونىندەگى پارلامەنتىنىڭ فۋنكسيالارىن ورىندايدى. ەلىمىزدىڭ تاريحىندا مۇنداي جاعدايلار بولعان جانە ءماجىلىس دەپۋتاتتارى تارقاعان كەزەڭدە سەنات پارلامەنت ءرولىن ۋاقىتشا اتقارىپ، زاڭ شىعارۋ ميسسياسىن جالعاستىرادى»، - دەدى سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ ءتوراعاسى ۆلاديمير ۆولكوۆ.
ايتا كەتەيىك، مەملەكەت باسشىسى جەتىنشى سايلانعان ق ر پارلامەنتىنىڭ ءماجىلىسىن تاراتۋ جانە ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويدى.
ءماجىلىس دەپۋتاتتارىن كەزەكتەن تىس سايلاۋ 2023-جىلعى 19- ناۋرىزعا بەلگىلەندى.
ق ر پرەزيدەنتى قاسىم-جومارت توقايەۆ پارلامەنت ءماجىلىسى جانە ءماسليحات دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى مالىمدەمە جاسادى.
