ەلگە كاپيتالدى قايتارۋدىڭ ىنتالاندىرۋ تەتىكتەرىن ناقتىلاۋ كەرەك - ۇكىمەت باسشىسى

استانا. قازاقپارات - پرەمەر-مينيستر ءاليحان سمايىلوۆ قارجى ەلدەن زاڭسىز شىعارىلعان كاپيتالدى قايتارۋدىڭ ىنتالاندىرۋ تەتىكتەرىن ناقتىلاۋدى تاپسىردى، دەپ حابارلايدى قازاقپارات ءتىلشىسى.

«ەلدەن قاراجاتتىڭ زاڭسىز شىعارىلۋىنا قارسى پارمەندى شارالار قابىلداۋ ماڭىزدى مىندەت بولىپ وتىر. ۇكىمەت ءتيىستى زاڭ جوباسىن ازىرلەۋدە. وسى زاڭ جوباسىنىڭ ەرەجەلەرىندە زاڭسىز اكەتىلگەن كاپيتالدى قايتارۋ جونىندەگى بارلىق راسىمدەردى رەگلامەنتتەۋ قاجەت»، - دەدى ول.

پرەمەر-مينيستر كاپيتالدى ەلدەن اكەتۋگە جول اشاتىن سەبەپتەر مەن جاعدايلاردى جويۋ كەرەكتىگىن ەسكە سالدى.

«ەلگە كاپيتالدى قايتارۋدى ىنتالاندىرۋدىڭ ناقتى تەتىكتەرىن ازىرلەۋ قاجەت. ناۋرىزدا زاڭ پارلامەنت ماجىلىسىنە ەنگىزىلۋى كەرەك»، - دەدى ءاليحان سمايىلوۆ.