مەملەكەتتىك تاپسىرىستىڭ شيكىلىكسىز ورىندالۋىنا ءبىرىنشى باسشىلار جاۋاپتى - پرەمەر-مينيستر

None
استانا. قازاقپارات - مەملەكەتتىك ساتىپ الۋ پروتسەسى وسى كۇنگە دەيىن سىبايلاس جەمقورلىق ءجيى ورىن الاتىن سالا بولىپ تۇر.

قارجى مينيسترلىگىنىڭ كەڭەيتىلگەن القا ماجىلىسىندە ق ر پرەمەر-ءمينيسترى ءاليحان سمايىلوۆ وسىنداي دەرەك ايتتى، دەپ حابارلايدى قازاقپارات ءتىلشىسى.

«اتقارىلعان جۇمىستارعا قاراماستان، مەملەكەتتىك ساتىپ الۋ پروتسەسى وسى كۇنگە دەيىن سىبايلاس جەمقورلىق ءجيى ورىن الاتىن سالا رەتىندە قالىپ وتىر. سوندىقتان، ونى جەتىلدىرۋ جۇمىستارىن جالعاستىرۋ كەرەك. ول ءۇشىن ادامي فاكتوردى تولىعىمەن الىپ تاستاپ، تاپسىرىس بەرۋشى - ءبىرىنشى باسشىنىڭ دەربەس جاۋاپكەرشىلىگىن كۇشەيتۋ قاجەت»، - دەدى ۇكىمەت باسشىسى.

ونىڭ پايىمىنشا، مەملەكەتتىك ساتىپ الۋ تۋرالى زاڭنامانى قولدانۋ پراكتيكاسىنا قۇقىقتىق جاعىنان كەشەندى تالداۋ جۇرگىزۋ قاجەتتىگى تۋىنداپ وتىر.

«ساراپشىلارمەن جانە «اتامەكەن» پالاتاسىمەن بىرلەسىپ، بارلىق پروبلەمالىق ۋچاسكەلەردى انىقتاپ، مەملەكەتتىك ساتىپ الۋ تۋرالى جاڭا زاڭدى ازىرلەۋدىڭ نەگىزگى تاسىلدەرىن ايقىنداۋ كەرەك.

بيزنەس-پروتسەستەردى تولىق اۆتوماتتاندىرۋعا باسا نازار اۋدارا وتىرىپ، وسى سالاداعى وزىق الەمدىك تاجىريبەنى ەسكەرۋ قاجەت»، - دەدى ءاليحان سمايىلوۆ.

سوڭعى جاڭالىقتار