باپكەر قانات يسلامنىڭ الداعى جەكپە-جەگى جايلى ايتتى

استانا. قازاقپارات - ورتا سالماقتاعى قازاقستاندىق بوكسشى قانات يسلام (29-1، 22 KO) رينگكە ورالادى.

بۇل تۋرالى Vesti.kz تىلشىسىنە ونىڭ باپكەرى رودجەر رومو ايتتى.

«قاناتپەن جۇمىس ىستەپ جاتىرمىز. قازان ايىنداعى جەكپە-جەگىنەن كەيىن وتباسىمەن دەمالىسقا كەتتى. الداعى ۋاقىتتا جاتتىعۋ لاگەرىنە ارنالعان جوسپارىمىزدى قۇرامىز. كەلەسى جەكپە-جەكتى قاشان وتكىزەتىنىمىزدى دە انىقتاپ الامىز. جاتتىعۋ جيىنىن فلوريدا شتاتىندا باستايمىز. شامامەن قاڭتار سوڭىندا.

ماقساتىمىز وزگەرگەن جوق. بيىككە قاراي ۇمتىلامىز. قاناتتىڭ ءبىر ماقساتى بار - الەم چەمپيونى اتانۋ. ونىڭ قولىنان كەلەتىنىنە سەنەمىن»، - دەيدى مامان.

قانات رينگكە كەيىنگى رەت 7- قازان ا ق ش- تىڭ پلانت-سيتي قالاسىندا شىعىپ، ارگەنتينالىق حاۆەر فرانسيسكو ماسەلدى (34-18، 23 ك و) تورەشىلەر شەشىمىمەن جەڭگەن بولاتىن.