جەتىنشى سايلانعان ق ر پارلامەنتىنىڭ ءماجىلىسى تاراتىلدى

استانا. قازاقپارات - مەملەكەت باسشىسى جەتىنشى سايلانعان ق ر پارلامەنتىنىڭ ءماجىلىسىن تاراتۋ جانە ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويدى، دەپ حابارلايدى اقوردانىڭ باسپا ءسوز قىزمەتى.

قازاقپارات وقىرمان نازارىنا قۇجاتتىڭ تولىق ءماتىنىن ۇسىنادى.

***

جەتىنشى سايلانعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى

«قازاقستان رەسپۋبليكاسى كونستيتۋتسياسىنىڭ 44-بابىنىڭ 2) تارماقشاسىنا، 63-بابىنىڭ 1-تارماعىنا، «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 85-بابىنا سايكەس قاۋلى ەتەمىن:

1. جەتىنشى سايلانعان قازاقستان رەسپۋبليكاسى پارلامەنتىنىڭ ءماجىلىسى تاراتىلسىن.

2. قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2023-جىلعى 19- ناۋرىزعا تاعايىندالسىن.

3. قازاقستان رەسپۋبليكاسىنىڭ ورتالىق سايلاۋ كوميسسياسى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىنا دايىندىقتى جانە ونى وتكىزۋدى ۇيىمداستىرسىن.

4. قازاقستان رەسپۋبليكاسىنىڭ ۇكىمەتى، استانا، الماتى، شىمكەنت قالالارىنىڭ جانە وبلىستاردىڭ اكىمدەرى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن ۇيىمداستىرۋشىلىق، ماتەريالدىق-تەحنيكالىق جانە قارجىلىق قامتاماسىز ەتۋ جونىندەگى بارلىق قاجەتتى شارالاردى كىدىرىسسىز قابىلداسىن.

5. وسى جارلىق جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ق. توقايەۆ

استانا، اقوردا، 2023-جىلعى 19- قاڭتار

104№