قارجى ءمينيسترى بيۋجەت تاپشىلىعىن قالاي ازايتاتىنىن ايتتى
«بيىل بيۋجەت تاپشىلىعىنىڭ ج ءى ءو- گە قاتىناسى وتكەن جىلمەن سالىستىرعاندا %3,3 دان %2,7 عا دەيىن تومەندەدى. بۇل مەملەكەتتىك قارىزدىڭ شامادان تىس ءوسۋىن تەجەۋگە مۇمكىندىك بەرەدى. ويتكەنى تاپشىلىقتى قارجىلاندىرۋ نەگىزىنەن ىشكى نارىقتا جوسپارلانادى»، - دەدى مينيستر.
ەرۇلان جاماۋبايەۆ ىشكى وتىمدىلىك جەتىسپەگەن جاعدايدا حالىقارالىق قارجى ۇيىمدارىنان قارىز تارتۋ جانە سىرتقى نارىقتارعا وبليگاتسيالار شىعارۋ سياقتى قۇرالدار قولدانۋ تاجىريبەسى بار ەكەنىن ەسكە سالدى.
«مەملەكەتتىك باعالى قاعازداردى حالىقارالىق يندەكستەرگە ەنگىزۋ، سونداي-اق قازاقستاننىڭ قور نارىعىنا Euroclear كليرينگ پالاتاسىن تارتۋ جۇمىسى جالعاسادى. بۇل بيۋجەت تاپشىلىعىن قارجىلاندىرۋعا قوسىمشا وتىمدىلىك بەرەدى»، - دەدى ەرۇلان جاماۋبايەۆ.
ونىڭ ايتۋىنا قاراعاندا، مەملەكەتتىك قارىزدى باسقارۋ بارلىق بەلگىلەنگەن كەلىسىمدەردى ساقتاي وتىرىپ ىسكە اسىرىلادى.
