سەناتور اۋىل تۇرعىندارىنىڭ تابىسىن ارتتىرۋعا قاتىستى ۇسىنىس ايتتى

None
استانا. قازاقپارات - سەناتور ابدالى نۇراليەۆ ەلىمىزدىڭ پرەمەر-ءمينيسترى ءاليحان سمايىلوۆتىڭ اتىنا جولداعان دەپۋتاتتىق ساۋالىندا اۋىل تۇرعىندارىنىڭ تابىسىن قالاي ارتتىرۋعا بولاتىنىن ايتتى، دەپ حابارلايدى قازاقپارات ءتىلشىسى.

دەپۋتات ءوز ساۋالىندا «جامبىل وبلىسى تۇرعىندارىنىڭ تابىسىن ارتتىرۋ» قاناتقاقتى جوباسىنىڭ ناتيجەلەرىنە توقتالدى. جوبا جەر تەلىمدەرىن پايدالانۋدىڭ تيىمدىلىگىن، مال مەن قۇستىڭ ونىمدىلىگىن ارتتىرۋعا جانە جەم-ءشوپ پەن جايىلىم جاعدايىن جاقسارتۋعا مۇمكىندىك بەرۋ ءۇشىن اۋىلدار ماڭىنداعى جەر تەلىمدەرىن نەعۇرلىم ۇتىمدى پايدالانۋعا باعىتتالعان. جوبا اياسىندا اۋىل تۇرعىندارىنىڭ كاسىپكەرلىك باستامالارىن قارجىلاندىرۋ مۇمكىندىگى دە بولادى.

«جوبا ناتيجەسىندە جەكە كاسىپكەرلەر سانى 2282 گە ارتىپ، 589 جاڭا جۇمىس ورىندارى اشىلۋى ەسەبىنەن جۇمىسسىزدار سانى كەمىدى. اتاۋلى الەۋمەتتىك كومەك الۋشىلار سانى 1058 وتباسىعا نەمەسە %65 ازايدى. سونىمەن قاتار، جوبا اياسىندا مال باسى ءوسىپ، ەت جانە ءسۇت ءوندىرىسى ارتقان»، - دەدى سەناتور.

ونىڭ ايتۋىنشا، اتالعان جوبا ءوزىنىڭ تيىمدىلىگىن دالەلدەدى.

«جوبا جەكە قوسالقى شارۋاشىلىقتاردى قولداۋعا نەگىزدەلگەن. پيلوت جوبانىڭ اياسىندا قوسىمشا 40 اۋىل وكرۋگىندەگى 4000 جوبانى جۇزەگە اسىرۋ ءۇشىن 20 ميلليارد تەڭگە قاراجات قاجەت بولىپ تۇر. جوعارىدا ايتىلعانداردى ەسكەرە وتىرىپ، 014 «اۋىل حالقىنىڭ تابىسىن ارتتىرۋ جونىندەگى جوبانى ماسشتابتاۋعا ميكروكرەديت بەرۋ» بيۋجەتتىك باعدارلاماسى اياسىندا اتالعان سومانى رەسپۋبليكالىق بيۋجەتتەن بولۋگە جاردەمدەسۋدى سۇرايمىز»، - دەدى ءابدالى نۇراليەۆ.


سوڭعى جاڭالىقتار