الماتىدا قاتتى ايازدا قانشا ادامدى ۇسىك شالدى
بۇل تۋرالى قوعامدىق دەنساۋلىق باسقارماسىنان ءمالىم ەتتى، دەپ حابارلايدى قازاقپارات ءتىلشىسى.
قوعامدىق دەنساۋلىق ساقتاۋ باسقارماسىنىڭ مالىمەتىنشە,10- قاڭتاردان بەرى 216 ادام اق حالاتتىلاردىڭ كومەگىنە جۇگىنگەن. ولاردىڭ باسىم بولىگى ءتۇرلى دەنە جاراقاتىن العان. 11 تۇرعىندى ۇسىك شالعان.
«جىل باسىنان قاتتى ايازدا ءۇسىپ قالعان ءبىر ادام كوز جۇمدى. ونىڭ تۇرعىلىقتى مەكەنجايى بولماعان. اياز كەزىندە سىرتقى كيىم مەن اياق كيىمگە ەرەكشە ءمان بەرگەن دۇرىس. اسىرەسە، سۋىق كۇندەرى ءبىرىنشى كەزەكتە بالالار مەن قارت كىسىلەردى ۇسىك شالۋى مۇمكىن. اياز كۇندەرى سىرتتا كوپ جۇرمەي، بارىنشا ساقتانۋ كەرەك»، - دەپ حابارلادى ۆەدومستۆودان.
ەسكە سالايىق، 12-16- قاڭتار كۇندەرى الماتىدا قاتتى اياز بولدى. توتەنشە جاعدايلار دەپارتامەنتى اۋا تەمپەراتۋراسى -25 گرادۋسقا جەتەتىنىن دە ەسكەرتتى. كەيىن «قازگيدرومەت» ر م ك مەگاپوليستە 14-20- قاڭتار كۇندەرى قالىپتاساتىن اۋا رايى بولجامىن ۇسىندى.
بۇگىندە قالادا ايازدىڭ بەتى قايتتى. اۋا تەمپەراتۋراسى تۇندە 11-12-، كۇندىز 6- گرادۋس.
