فيليپپيندە سۋ تاسقىنىنان قۇربان بولعاندار سانى ءوستى

None
استانا. قازاقپارات - فيليپپيندە سۋ تاسقىنى سالدارىنان كەم دەگەندە 33 ادام قازا تاۋىپ، جەتەۋى ءىز-ءتۇزسىز كەتكەندەر تىزىمىندە.

تابيعي اپاتتىڭ الدىن الۋ جانە جويۋ جونىندەگى كەڭەستىڭ بەيسەنبىدە تاراتىلعان ەسەبىندە اتاپ وتىلگەندەي، قولايسىز اۋا رايى رەسپۋبليكانىڭ 14 وڭىرىندە 1,67 ميلليوننان استام ادامعا زيان كەلتىردى. بۇعان دەيىن 29 ادامنىڭ قازا تاپقانى تۋرالى ءمالىم تاراتىلعان ەدى، دەپ حابارلايدى قازاقپارات تاسسقا سىلتەمە جاساپ.

اگەنتتىكتىڭ مالىمەتىنشە، 266,3 مىڭ ادام 512 ەۆاكۋاتسيالىق ورتالىققا ورنالاستىرىلعان. كەم دەگەندە 14,3 مىڭ ادام ۇيلەرىن تاستاپ كەتىپ، 12 ازامات ءتۇرلى جاراقات الدى. 14 وڭىردە سۋ تاسقىنى مەن كوشكىنگە بايلانىستى مىڭنان استام وقيعا تىركەلدى. اپات 1,67 مىڭ ۇيگە قۇنى 3,71 ميلليون پەسو (67,9 مىڭ دوللار) زاقىم كەلتىردى. 193 ينفراقۇرىلىمدىق نىسانعا كەلتىرىلگەن زالال 206,9 ميلليون پەسوعا ($3,78 ميلليون)، اۋىل شارۋاشىلىعىنا - 439,9 ميلليون پەسوعا ($8,04 ميلليون) باعالانىپ وتىر.

سۋ تاسقىنى 263 جول مەن 62 كوپىرگە زاقىم كەلتىردى، 26 تەڭىز پورتىنىڭ جۇمىسىنا كەدەرگى بولعان. 606 قالا مەن 148 مۋنيتسيپاليتەتتە وقۋ ورىندارىنداعى ساباقتار مەن كاسىپورىندارداعى جۇمىس توقتاتىلدى. 59 ەلدى مەكەندە اپات رەجيمى ەنگىزىلدى.

ۇكىمەت كومەك كورسەتۋگە 86,8 ميلليون پەسو ($1,58 ميلليون دوللار) ءبولىپ وتىر.

سوڭعى جاڭالىقتار