استانادا ۇلەسكەرلەر قاراجاتىنا ءۇي سالۋعا رۇقساتى جوق كومپانيالار جاريالاندى

استانا. قازاقپارات - تۇرعىن ءۇي قۇرىلىسىنىڭ باستاپقى ساتىسىندا ۇلەسكەرلەر اقشاسىن تارتۋعا رۇقساتى جوق قۇرىلىس كومپانيالارىنىڭ ءتىزىمى جاڭارتىلدى، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.

قولدانىستاعى زاڭنامانى اينالىپ ءوتىپ جاسالعان بارلىق مامىلە (الدىن الا برونداۋ شارتى، رەزەرۆتەۋ شارتى، ينۆەستيتسيالاۋ شارتى، تالاپ ەتۋ قۇقىعىن باسقاعا بەرۋ شارتى) مىنا تىزىمدە كورسەتىلگەن كوپپاتەرلى تۇرعىن ءۇي كەشەندەرىندە جارامسىز بولىپ سانالادى.

ەسكە سالايىق، «تۇرعىن ءۇي قۇرىلىسىنا ۇلەستىك قاتىسۋ تۋرالى» ق ر زاڭناماسىنا سايكەس ۇلەسكەرلەردىڭ قاراجاتىن ءتيىستى رۇقساتسىز قابىلداۋعا تىيىم سالىنادى. بۇل رەتتە ق ر اكىمشىلىك قۇقىق بۇزۋشىلىق تۋرالى كودەكستىڭ 320-بابى، سونداي-اق ق ر قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جاۋاپكەرشىلىك قاراستىرىلعان.

بارلىق سۇراق بويىنشا استانا قالاسى، سارىارقا اۋدانى، بەيبىتشىلىك كوشەسى، 9 مەكەنجايى بويىنشا استانا قالاسىنىڭ قالالىق ورتا ساپاسى جانە باقىلاۋ باسقارماسىنا حابارلاسۋعا بولادى. بايلانىس تەلەفوندارى: 87172550428، 556703.