ازامات ابىلدايەۆ پارتيادان شىعارىلىپ، دەپۋتاتتىق مانداتى توقتاتىلادى - «اق جول» پارتياسى

None
استانا. قازاقپارات - «اق جول» دەموكراتيالىق پارتياسى ۇلتتىق كەڭەسى ءماجىلىس دەپۋتاتى ازامات ابىلدايەۆتىڭ ماسەلەسىن قارادى. بۇل تۋرالى اتالعان پارتيا مۇشەسى، ماجىلىسمەن قازىبەك يسا Facebook-پاراقشاسىندا جازدى، دەپ حابارلايدى قازاقپارات ءتىلشىسى.

«بۇگىن 2023 -جىلى 19- قاڭتاردا «اق جول» دەموكراتيالىق پارتياسى ۇلتتىق كەڭەسىنىڭ پلەنۋمى ءوتتى. پارتيا ءتوراعاسى ازات پەرۋاشيەۆتىڭ توراعالىعىمەن وتكەن جيىندا ءماجىلىس دەپۋتاتى ا. ابىلدايەۆتىڭ جۋرناليسكە بەرگەن سۇحباتىندا ۋكرايناداعى سوعىس تۋرالى ايتقان سوزدەرى سارالانىپ، ءتيىستى ساياسي باعا بەرىلدى.

ۇلتتىق كەڭەس مۇشەلەرى ا. ابىلدايەۆتىڭ سوزدەرى «اق جول» پارتياسىنىڭ پوزيتسياسىنا قاراما- قايشى ەكەنىنە، پارتيالىق جانە دەپۋتاتتىق ەتيكانى دا بۇزعانىنا باسا نازار اۋداردى.

اتاپ ءوتۋ كەرەك، كەشە پارتيا پرەزيديۋمى حابارلاعانداي، «اق جول» پارتياسى قاشان دا رەسپۋبليكامىزدىڭ جانە باسقا دا دوس مەملەكەتتەردىڭ تاۋەلسىزدىگى مەن جەر تۇتاستىعىن قۇرمەتتەيدى جانە قولدايدى»، - دەپ جازدى قازىبەك يسا.

ونىڭ اتاپ وتۋىنشە، ۇلتتىق كەڭەس ا. ابىلدايەۆتى «اق جول» دەموكراتيالىق پارتياسىنان شىعارۋ تۋرالى شەشىم قابىلدادى. سونىمەن قاتار «اق جول» دەموكراتيالىق پارتياسىنان شىعارىلعانىنا بايلانىستى ا. ابىلدايەۆتىڭ دەپۋتاتتىق مانداتىن توقتاتۋ تۋرالى «اق جول» پارتياسى ورتالىق سايلاۋ كوميسسياسىنا حات جولدادى.

اۆتور

مارلان جيەمباي


سوڭعى جاڭالىقتار