الماتىداعى ساين كوشەسىن ۇزارتۋ جۇمىستارى قاشان اياقتالادى

None
الماتى. قازاقپارات- بيىل الماتىدا ساين كوشەسىن ۇزارتۋ جۇمىستارى تولىق اياقتالادى. بۇل تۋرالى قالا اكىمى ەربولات دوسايەۆ الاتاۋ اۋدانى تۇرعىندارىمەن كەزدەسۋ بارىسىندا ءمالىم ەتتى، دەپ حابارلايدى قازاقپارات ءتىلشىسى.

قالا باسشىسىنىڭ ايتۋىنشا، بىلتىر الاتاۋ اۋدانىندا بىرنەشە كوشەگە جوندەۋ جۇمىستارى جۇرگىزىلدى.

«2022 -جىلى الاتاۋ اۋدانىندا 53 كوشەدەگى ۇزىندىعى 42 ك م جولعا ورتاشا جوندەۋ، سونداي- اق 35 كوشەگە جوندەۋ جۇرگىزىلدى. جىل سوڭىنا دەيىن العاباس جانە شاڭىراق-1 شاعىناۋداندارىندا 40,5 ك م جاڭا جولدىڭ قۇرىلىسى اياقتالادى. سونداي- اق وسى جىلدىڭ III- توقسانىندا شاپاعات شاعىناۋدانىندا سۋمەن جابدىقتاۋ جانە كاناليزاتسيا جەلىلەرىن سالۋ اياقتالعاننان كەيىن 4,8 ك م جاڭا جولدىڭ قۇرىلىسى باستالادى. 2023 -جىلى ءبىز ۇزىندىعى 38 ك م بولاتىن 50 كوشەگە ورتاشا جوندەۋ جۇرگىزۋدى جوسپارلاپ وتىرمىز»، - دەدى الماتى اكىمى ەربولات دوسايەۆ.

سونداي- اق اكىم بيىل ساين كوشەسىن ۇزارتۋ جۇمىستارى اياقتالاتىنىن جەتكىزدى.

«بيىل جەلتوقسان ايىندا موڭكە بي كوشەسىندە كولىك جولايرىعىن سالىپ، ساين كوشەسىن ۇزارتۋ جۇمىستارىن اياقتاۋ جوسپارلانعان، سونىڭ ارقاسىندا قالانىڭ نەگىزگى ماگيسترالدىق كوشەلەرىندە، ياعني رىسقۇلوۆ داڭعىلى مەن مومىش ۇلى كوشەسىندە، سونداي- اق اۋداندىق ماڭىزى بار كوشەلەردە كولىك لەگى ايتارلىقتاي ازايادى»، - دەدى ول.

اۆتور

الما مۇقانوۆا

سوڭعى جاڭالىقتار