ەلىمىز تۋريزم رەيتينگىندە ەڭ سوڭعى؟ قازاق تۋريزم تۇسىنىك بەردى
وسىنداي زەرتتەۋلەردىڭ بىرىندە ەلىمىز سوڭعى ورىننان ءبىر ساتى عانا جوعارى تۇر، دەپ حابارلايدى Tengritravel.kz.
U. S. News قۇرعان رەيتينگتە الەمنىڭ 85 ەلىنىڭ ىشىندە قازاقستاندى 84-ورىنعا قويىپتى.
Energyprom.kz باسىلىمىنىڭ اقپارتتىق گرافيكاسى
Energyprom جاريالىمىنا قاتىستى مادەنيەت جانە سپورت مينيسترلىگىنە قاراستى Kazakh Tourism وكىلدەرى پىكىر ءبىلدىردى. ەلىمىزدىڭ برەند-مەنەدجەرى بۇل رەيتينگ توپ تىزىمدەگى ەڭ ۇزدىك ەلدەر بويىنشا جاسالعانىن ءتۇسىندىردى. ماسەلەن جالپى ىشكى ءونىم، تىكەلەي شەتەلدىك ينۆەستيتسيا جانە حالىقارالىق تۋريزمنەن كىرىس بويىنشا توپ-100 تىزىمدەگى ەلدەر.
«U. S. News Best Countries ەلدەردى تۋريزم بويىنشا عانا باعالاپ وتىرعان جوق، ءومىر ءسۇرۋ ساپاسى، كاسىپكەرلىك، يكەمدىلىك، الەۋەمتتىك جاۋاپكەرشىلىك، مادەنيەت، بيزنەسكە اشىقتىق جانە تاعى باسقا كريتەريلەردى ەسەپكە الىپ وتىر. تۋريزم تەك وقيعالارسەگمەنتىندە عانا، ال ونىڭ جالپى كورسەتكىشتەگى ۇلەسى تەك 5 پايىز.
جالپى رەيتينگتە قازاقستان 85-ورىندا تۇر، يران، وزبەكستان جانە بەلارۋستەن جوعارى تۇرمىز. ال جالپى قازاقستاننىڭ بۇل تىزىمگە ەنۋىن وڭدى سيپاتتاۋعا بولادى»، - دەيدى كومپانيا وكىلدەرى.
سونىمەن قوسا، Kazakh Tourism وقيعالار كاتەگورياسى بويىنشا رەيتينگتە دوستىق پەيىل، كۇن رايىنىڭ جايلىلىعى، كوركەمدىلىك پەن سەكسۋالدىلىق سياقتى كريتەريلەر ەسەپكە الىنعان ناقتىلاي كەتتى.
«بۇل تۋريزمنىڭ تولىق بەينەسىن بەرە المايدى. الەمنىڭ وزگە ەلدەرى سياقتى قازاقستان دا تۋريزم يندۋسترياسىنا باعا بەرەردە ەكى جىلدا ءبىر جاريالاناتىن ساياحات پەن ءتۋريزمدى دامىتۋدىڭ جاھاندىق يندەكسىنە سۇيەنەدى»، - دەپ ەسەپتەيدى برەند- مەنەدجەر.
ونىڭ ۇستىنە، كومپانيا وكىلدەرى قازاقستان جىل سايىن تۋريزم بويىنشا حالىقارالىق ءتۇرلى رەيتينگتەردە جۇرەتىنىن قوسا ايتا كەتتى.
