ەۋروپا ەلدەرىندە ءدارى-دارمەك جەتىسپەي جاتىر
كوپتەگەن ەلدەردە جاعداي اسا كۇردەلى، ءبىراق مۇنداي تاۋارلار ءدارىحانالاردان مۇلدەم جوق بولىپ كەتپەگەندىكتەن ازاماتتارعا قور جاساماۋعا كەڭەس بەرۋدە.
دارىگەرلەر كوروناۆيرۋستان قورعانۋ سالدارىنان حالىقتا تابيعي يممۋنيتەت السىرەگەنىن اتاپ ءوتتى. سۇرانىستىڭ كۇرت ءوسۋىنىڭ نەگىزگى سەبەبى - وندىرىستىك قۋاتتىلىقتىڭ جەتىسپەۋشىلىگى مەن رەسپيراتورلىق اۋرۋلاردىڭ كوپ تارالۋى. فارماتسيەۆتيكا ماسەلەسى ۇلتتىق دەڭگەيدە شەشىلگەندىكتەن، ۇكىمەتتەر تاپشىلىقتى جويۋ ءۇشىن شارالار قابىلداۋدا.
«پەدياتورلىق ءدارى-دارمەكتەر قاراپايىم تابلەتكا كۇيىندە وتە از بولادى. سوندىقتان بالالار كوپ اۋىراتىن جەردە پەدياتورلىق ءدارى-دارمەكتەرتەرگە سۇرانىس جوعارى»، - دەدى ەۋروپالىق دارىلىك قۇرالدار اگەنتتىگىنىڭ باس مەديتسينالىق ديرەكتورى شتەففەن تيرسترۋپ.
جاقىندا جۇرگىزىلگەن زەرتتەۋ يسپانيادا ءدارى- دارمەك تاپشىلىعى ءبىر جىلدا %38 عا وسكەنىن كورسەتتى. ءوندىرىستىڭ تومەندەۋىنە ينفلياتسيا، ەنەرگيا باعاسىنىڭ جوعارىلاۋى، شيكىزات تاپشىلىعى جانە پاندەميانىڭ سالدارى اسەر ەتتى.
«بىزگە ديۆەرسيفيكاتسيا قاجەت. ارينە، بەلسەندى ينگرەديەنتتەر سياقتى كەيبىر ماڭىزدى ماتەريالداردى ءوندىرۋدى ەۋروپاعا قايتارۋ پايدالى بولار ەدى. ءبىراق ءبىز ءدارى- دارمەك ءۇشىن قولداناتىن بارلىق ماتەريالدار ءوندىرىسىن قايتارا المايمىز. بۇل قورشاعان ورتانى قورعاۋ تۋرالى زاڭدى، باسقا ايماقتاردا مىندەتتى تۇردە ورىندالمايتىن ەڭبەك تۋرالى زاڭدى ورىنداۋعا بايلانىستى ءدارىحانا باعاسىنىڭ ءوسۋى سياقتى ماسەلەلەردى تۋدىرادى»، - دەدى ە و فارماتسيەۆتيكا توبىنىڭ باسشىسى يلاريا پاسساراني.
ەۋروكوميسسيا ناۋرىزدا ە و فارماتسيەۆتيكا زاڭناماسىنىڭ قايتا قارالعان نۇسقاسىن ۇسىنادى.
