ۋنيۆەرسيادا: قازاقستاندىق بياتلونشىلار ءبىر التىن، ءبىر قولا الدى

استانا. قازاقپارات - قازاقستاندىق بياتلونشى بەكەنتاي تۇرلىبەكوۆ ا ق ش- تىڭ لەيك-پلەسيد قالاسىندا ءوتىپ جاتقان قىسقى ۋنيۆەرسيادادا 10 شاقىرىمعا سپرينت جارىسىندا چەمپيون اتاندى، دەپ حابارلايدى قازاقپارات ءتىلشىسى.

جارىس بارىسىندا ول ەكى اتىس سىزىعىندا بىردە-ءبىر وقتى بوس جىبەرگەن جوق. ناتيجە كورسەتكەن ۋاقىتى- 27:51,5. وسىلايشا قازاقستاندىق بياتلونشى ەل قۇراماسىنا ءۇشىنشى التىندى سالدى.

اتالعان جارىستا ەكىنشى ورىن بورن ۋەستەرۆەلتكە بۇيىرسا، ۇزدىك ۇشتىكتى قازاقستاندىق تاعى ءبىر بياتلونشى الەكساندر مۋحين ەنشىلەدى.

ناتيجەسىندە اتالعان سايىستا ەل قۇراماسى ءبىر التىن، ءبىر قولا مەدال الدى.

ەسكە سالساق، بۇعان دەيىن بياتلونشى ۆاديم كۋرالەس پەن شاڭعىمەن سەكىرۋ سپورتىنان دانيل ۆاسيليەۆ چەمپيون اتاندى.

وسىلايشا مەدالدار كەستەسىندە قازاقستاندىق سپورتشىلار 3 التىن، 1 قولا جۇلدەمەن ءۇشىنشى ورىنعا كوتەرىلدى. الدا جاپونيا جانە فينليانديا قۇرامالارى كەلەدى.