ءبىرقاتار مينيسترلىككە قوسىمشا قۇزىرەت بەرىلمەك

None
استانا. قازاقپارات - 6 مينيسترلىككە قوسىمشا قۇزىرەت بەرىلۋى مۇمكىن. بۇل تۋرالى «اشىق» ن ق ا پورتالىندا جاريالانعان «ق ر ۇكىمەتىنىڭ كەيبىر شەشىمدەرىنە وزگەرىس پەن تولىقتىرۋلار ەنگىزۋ تۋرالى» ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.

قۇجاتقا سايكەس، ەندى ۆەدومستۆولارعا مىناداي قوسىمشا قۇزىرەت بەرىلمەك:

قارجى مينيسترلىگىنە:

- الەۋمەتتىك قامسىزداندىرۋ سالاسىنداعى ۋاكىلەتتى ورگان ايقىندايتىن ءبىرىڭعاي تولەمدى تولەۋ، اۋدارۋ جانە ءبولۋ، سونداي-اق قايتارۋ ءتارتىبىن كەلىسۋ.

مادەنيەت جانە سپورت مينيسترلىگىنە:

- جاستاردى مادەني اعارتۋدى جانە ولاردىڭ بوس ۋاقىتىن ۇيىمداستىرۋعا باعىتتالعان شارالار كەشەنىن جۇزەگە اسىرۋ؛

- مادەنيەت ماسەلەلەرى جونىندەگى جاستار باستامالارىن قولداۋعا باعىتتالعان مەملەكەتتىك الەۋمەتتىك تاپسىرىستى قالىپتاستىرۋدى، ونىڭ ىسكە اسىرىلۋ مونيتورينگىن جانە ناتيجەلەرىن باعالاۋدى جۇزەگە اسىرۋ.

دەنساۋلىق ساقتاۋ مينيسترلىگىنە:

- الەۋمەتتىك قامسىزداندىرۋ سالاسىنداعى ۋاكىلەتتى ورگان ايقىندايتىن ءبىرىڭعاي تولەمدى تولەۋ، اۋدارۋ جانە ءبولۋ، سونداي-اق قايتارۋ ءتارتىبىن كەلىسۋ.

ەڭبەك جانە حالىقتى الەۋمەتتىك قورعاۋ مينيسترلىگىنە:

- شەتەلدىكتەردىڭ قازاقستان رەسپۋبليكاسىندا تۇراقتى تۇرۋعا رۇقسات الۋى ءۇشىن سۇرانىسقا يە كاسىپتەردىڭ تىزبەسىن جانە ونى قالىپتاستىرۋ ءتارتىبىن بەكىتۋ؛

- جاستاردى جۇمىسپەن قامتۋ ماسەلەلەرى جونىندەگى مەملەكەتتىك الەۋمەتتىك تاپسىرىستى قالىپتاستىرۋدى، ونىڭ ىسكە اسىرىلۋ مونيتورينگىن جانە ناتيجەلەرىن باعالاۋدى جۇزەگە اسىرۋ؛

- ۋاقىتشا بوس جۇرگەن جاستاردى جۇمىسقا ورنالاستىرۋعا جاردەمدەسۋ.

اقپارات جانە قوعامدىق دامۋ مينيسترلىگىنە:

- جاستارمەن جۇمىس جونىندەگى مامانداردىڭ ۇلگىلىك بىلىكتىلىك سيپاتتامالارىن ازىرلەۋ جانە ەڭبەك جونىندەگى ۋاكىلەتتى مەملەكەتتىك ورگانمەن كەلىسۋ بويىنشا بەكىتۋ؛

- جاستار ەڭبەك جاساقتارىن قۇرۋ، ۇيىمداستىرۋ، قامتاماسىز ەتۋ، سونداي-اق ولاردىڭ قىزمەتىنە مونيتورينگ جۇرگىزۋ قاعيدالارىن ازىرلەۋ جانە ەڭبەك جونىندەگى ۋاكىلەتتى مەملەكەتتىك ورگانمەن كەلىسۋ بويىنشا بەكىتۋ؛

- جاستاردىڭ دامۋ يندەكسىن ەنگىزۋ مەن قولدانۋ قاعيدالارىن ازىرلەۋ جانە بەكىتۋ؛

- جاستار اراسىندا ەتنوسارالىق كەلىسىم مەن تولەرانتتىلىقتى نىعايتۋ جونىندە ءتۇسىندىرۋ جۇمىسىن جۇزەگە اسىرۋ.

سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە:

- الەۋمەتتىك قامسىزداندىرۋ سالاسىنداعى ۋاكىلەتتى ورگان ايقىندايتىن ءبىرىڭعاي تولەمدى تولەۋ، اۋدارۋ جانە ءبولۋ، سونداي-اق قايتارۋ ءتارتىبىن كەلىسۋ.

قاۋلى 1- اقپانعا دەيىن كوپشىلىك تالقىلاۋدا بولادى.

سوڭعى جاڭالىقتار