قىرعىزستان قاشىقتان جۇمىس ىستەۋدى زاڭداستىردى
«ق ر ەڭبەك كودەكسىنە وزگەرىستەر ەنگىزۋ تۋرالى» ق ر قابىلداعان زاڭعا قاشىقتان جۇمىس ىستەۋ جانە ەلەكتروندى ەڭبەك كەلىسىمشارتى ۇعىمى ەنگىزىلدى. قاشىقتان جۇمىس ىستەيتىن قىزمەتشىمەن ەڭبەك كودەكسىن قاشىقتان، ياعني ەلەكتروندى ەڭبەك كەلىسىمشارتى تۇرىندە ەلەكتروندى قولتاڭبامەن بەكىتۋگە رۇقسات ەتىلەدى. وزگەرىستەر مەملەكەت تاراپىنان بولعان شەكتەۋ شارالارى مەن توتەنشە جاعداي كەزىندە، سونداي-اق فريلانسەرلەر مەن شالعاي ەلدى مەكەندەردە ورنالاسقان قىزمەتكەرلەردى جۇمىسقا الۋ شاراسىن جەڭىلدەتەدى.
قاشىقتان جۇمىس ىستەيتىن قىزمەتكەرلەرگە جۇمىس بەرۋشى مەن قىزمەتكەر اراسىنداعى جۇمىس جاعدايلارىن، جۇمىس ۋاقىتى مەن دەمالىس ۋاقىتىن، ەڭبەكتى قورعاۋ، دەمالىس بەرۋ، وتەماقى تولەۋ مولشەرىن، ءتارتىبى مەن مەرزىمىن قامتيتىن ەڭبەك زاڭناماسىنىڭ جاڭا نورماسىنداعى ەرەكشەلىكتەردى ەسكەرە وتىرىپ، ەڭبەك تۋرالى زاڭنامانىڭ جانە وزگە دە نورماتيۆتىك قۇقىقتىق اكتىلەردىڭ ەرەجەسى قولدانىلادى.
«ق ر ەڭبەك كودەكسىنە وزگەرىستەر ەنگىزۋ تۋرالى» ق ر زاڭى 2023-جىلدىڭ 11- قاڭتارىنان كۇشىنە ەندى.
