ۋنيۆەرسيادا: قازاقستان حوككەيشىلەرى ا ق ش قۇراماسىنان جەڭىلىپ قالدى

None
استانا. قازاقپارات - 2023-جىلعى قىسقى ۋنيۆەرسيادادا شايبالى حوككەيدەن قازاقستان ستۋدەنتتەر قۇراماسى بەسىنشى ويىنىن ا ق ش- قا قارسى وتكىزدى، دەپ حابارلايدى قازاقپارات ءتىلشىسى.

ءتورت تۋردان كەيىن قازاقستاندىق حوككەيشىلەر تۋرنير كەستەسىندە كوش باسىندا تۇرعان ەدى. ال امەريكاندىق قۇراما ءۇشىنشى تۋردا سلوۆاكيا حوككەيشىلەرىنە 2:5 ەسەبىمەن ەسە جىبەردى. وسىعان بايلانىستى ولار جارىستىڭ پلەي-وفف ساتىسىنا شىعۋ ءۇشىن ويىننىڭ نەگىزگى كەزەڭىندە جەڭىسكە جەتۋى ءتيىس بولدى.

كەزدەسۋ بارىسىندا امەريكاندىق حانيۋولل مەتتيۋ 1-مينۋتتا ەسەپ اشقان ەدى. وعان 4-مينۋتتا قازاقستاندىق باتىرلان مۇراتوۆ ءبىر گولمەن جاۋاپ قايىردى.

ودان كەيىن امەريكاندىق حوككەيشىلەر قاتارىنان ءۇش شايبا سوعىپ كەتتى.

وسىلايشا قازاقستان قۇراماسى قارسىلاسىنا 1:4 ەسەبىمەن ەسە جىبەردى.

ايتا كەتسەك، قازاقستاندىق حوككەيشىلەر ۆ توبىندا وڭتۇستىك كورەيا، ۆەنگريا، ۇلى بريتانيا، سلوۆاكيا جانە ا ق ش- پەن سىنعا ءتۇستى. بۇعان دەيىن ولار 12- قاڭتاردا وڭتۇستىك كورەيانى - 5:1، ودان كەيىن ۆەنگريانى - 9:1، ۇلى بريتانيانى 15:1، سلوۆاكيانى 4:0 ەسەبىمەن جەڭدى.

سوڭعى جاڭالىقتار