قازاقستاندىق بوكسشىلار جاستار اراسىندا ازيا چەمپيوناتىن جەڭىسپەن باستادى
كۇندىزگى سەسسيادا 1/8 فينالدا قازاقستاندىقتاردان رينگكە العاشقى بولىپ 48 كەلىگە دەيىنگى سالماقتا جاستار اراسىندا الەم چەمپيونى، ەرلەر اراسىندا ازيا بىرىنشىلىگىنىڭ جەڭىمپازى سانجار تاشكەنباي شىقتى. سانجار تورەشىلەردىڭ ءبىراۋىزدان شەشىمىمەن قىرعىزستاندىق انۆارجان حودجيەۆتى ۇتتى.
تاعى ءبىر قازاقستاندىق، ەرەسەكتەر اراسىندا الەم جانە ازيا چەمپيوناتىنىڭ كۇمىس جۇلدەگەرى ماحمۋد سابىرحان 57 كەلىگە دەيىنگى سالماقتا وزبەكستاندىق ميرزابەك ميرزاحاليلوۆپەن جۇدىرىقتاستى. ماحمۋد تا ايقىن باسىمدىلىقپەن جەڭدى - 5:0.
بوكستان ازيا چەمپيوناتى 27- قاڭتارعا دەيىن جالعاسادى.
ەسكە سالا كەتەيىك، بۇدان بۇرىن قازاقستان قاتىساتىن بوكستان جاستار اراسىنداعى ازيا چەمپيوناتىنىڭ كەستەسى انىقتالعانىن جازعان ەدىك.
سونداي-اق، قازاقستاندىق قىزداردىڭ قارسىلاستارى انىقتالدى.
قازاقستاندىق 10 بوكسشى ازيا چەمپيوناتىنىڭ جۇلدەگەرى اتانىپ ۇلگەردى.
