كومىر، استىق جانە الەۋمەتتىك ماڭىزدى تاۋارلاردىڭ ساۋدا جۇيەسىن قاداعالاۋ جالعاسادى

None
استانا. قازاقپارات - قارجى ءمينيسترىنىڭ كومىر، استىق جانە الەۋمەتتىك ماڭىزى بار تاۋارلاردىڭ قوزعالىسىن ەلەكتروندى شوت-فاكتۋرا ارقىلى باقىلاۋ جوباسىنىڭ مەرىزىمىن ۇزارتۋ تۋرالى بۇيرىعى شىقتى، دەپ حابارلايدى قازاقپارات ءتىلشىسى.

اتالعان بۇيرىقتىڭ كۇشى 2023-جىلدىڭ 31- جەلتوقسانىنا دەيىن ۇزارتىلماق.

بۇل بۇيرىق قازاقستاننان اتالعان ءۇش ساناتتاعى تاۋارلاردى يمپورتتاۋشىلاردىڭ، جەر قويناۋىن يگەرۋشىلەر مەن تاۋار جەتكىزۋشىلەردىڭ جۇمىسىن رەتتەۋگە باعىتتالعان. ناقتىراق ايتساق، قوسىمشا قۇن سالىعى بويىنشا تىركەۋ ەسەبىنە الىنباعان سالىق تولەۋشىلەر زاڭدى تۇلعالار مەن كاسىپكەرلەرگە استىق، كومىر جانە الەۋمەتتىك ماڭىزى بار تاۋار ساتقان كەزدە ەلەكتروندى شوت-فاكتۋرا جازىپ بەرۋگە مىندەتتەلەدى. ال ءوزى پايدالانۋ ءۇشىن ساتىپ العان ناقتى تۇتىنۋشىعا كوتەرمە باعاسىز ساتقان جاعدايدا بۇل تالاپ مىندەتتى ەمەس.

بۇيرىق 18- قاڭتار كۇشىنە ەنگەنىمەن، قۇقىقتىق قاتىناستا 2023-جىلدىڭ 1- قاڭتارىنان باستالعان مامىلەلەرگە اسەرى بار.


سوڭعى جاڭالىقتار