زەينەتاقى جيناعىنىڭ ەڭ تومەنگى جەتكىلىكتى شەگى تاعى ءوستى
بۇل تۋرالى ق ر ۇلتتىق بانكىنىڭ باسقارما ءتوراعاسى عالىمجان ءپىرماتوۆ ءماجىلىس دەپۋتتارىنىڭ ساۋالىنا جولداعان جاۋابىندا ايتقان، دەپ حابارلايدى قازاقپارات ءتىلشىسى.
«زەينەتاقىمەن قامسىزداندىرۋدىڭ نەگىزگى فۋنكتسياسى زەينەتكەرلىك جاسقا تولعاننان كەيىن ەڭبەك قىزمەتىنىڭ توقتاتىلۋىنا بايلانىستى جوعالعان تۇراقتى تابىستىڭ ورنىن تولتىرۋ بولىپ تابىلادى. ەڭ تومەنگى جەتكىلىكتىلىك شەگىنىڭ نەگىزگى مىندەتى ەڭبەككە قابىلەتسىز جاستاعى ازاماتتاردىڭ تىنىس-تىرشىلىگى ءۇشىن زەينەتاقى جيناقتارىنىڭ ەڭ تومەنگى قاجەتتى دەڭگەيىن قامتاماسىز ەتۋ جانە حالىقارالىق ەڭبەك ۇيىمىنىڭ ۇسىنىستارىن ەسكەرە وتىرىپ، ولاردىڭ ەڭ تومەنگى قاجەتتىلىكتەرىن قاناعاتتاندىرۋ. وسىعان بايلانىستى زەينەتاقى جۇيەسى ازاماتتاردىڭ زەينەتاقى جيناقتارىنىڭ كولەمىن تومەنگى جەتكىلىكتى شەكتەن كەم ەمەس مولشەردە جيناقتاۋدى قامتاماسىز ەتۋى ءتيىس. ول شامانى انىقتاۋ زەينەتاقى جيناقتارىنىڭ ەڭ تومەنگى جەتكىلىكتى شەگىن ايقىنداۋ ادىستەمەسىنە سايكەس جۇزەگە اسىرىلادى»، - دەپ جازادى ع. ءپىرماتوۆ.
ال ەڭ تومەنگى جەتكىلىكتىلىك شەگىن ەسەپتەۋ كەزىندە قولدانىلاتىن كورسەتكىشتەردىڭ ءبىرى - ازاماتتاردىڭ ءومىر ءسۇرۋ دەڭگەيىنىڭ ەڭ تومەنگى ستاندارتىن قامتاماسىز ەتۋگە ارنالعان ەڭ تومەنگى جالاقى مولشەرى.
«2022-جىلى تومەنگى جەتكىلىك شەگىنىڭ وسۋىنە تومەنگى ەڭبەكاقى مولشەرىنىڭ ايتارلىقتاي ءوسۋى (42,5 مىڭ تەڭگەدەن 60 مىڭ تەڭگەگە دەيىن) اسەر ەتتى. سونىمەن قاتار مەملەكەت باسشىسىنىڭ 2022-جىلعى 1- قىركۇيەكتەگى قازاقستان حالقىنا جولداۋىندا ايتىلعان تاپسىرماسىنا سايكەس 2023-جىلدان باستاپ تومەنگى ەڭبەكاقى مولشەرى 60000 تەڭگەدەن 70000 تەڭگەگە دەيىن ۇلعايتىلادى. بۇل 2023-جىلعا بەلگىلەنگەن تومەنگى جەتكىلىكتىلىك شەگىنىڭ مولشەرىنە دە اسەر ەتتى»، - دەلىنگەن ۇلتتىق باسشىسىنىڭ جاۋابىندا.
ەسكە سالساق، ءماجىلىس دەپۋتاتى ب ج ز ق جۇمىسىنا اۋديت جۇرگىزۋدى ۇسىنعان بولاتىن.
