جەتى مىڭنان استام كاسىپكەر زاڭسىز ايىپپۇلدان بوساتىلدى - باس پروكۋراتۋرا
«2022 -جىلدىڭ مامىر ايىنان باستاپ پروكۋرورلار كاسىپكەرلەرگە قاتىستى باستالعان سوتقا دەيىنگى بارلىق تەرگەپ- تەكسەرۋلەرگە تەكسەرىس جۇرگىزدى. وسى كەزەڭدە ەكونوميكا سالاسىندا 360-تان استام قىلمىستىق ءىس توقتاتىلدى. سونداي- اق جاڭا «قىلمىستىق قۋدالاۋدىڭ زاڭدىلىعىن قاداعالاۋدى ۇيىمداستىرۋ جونىندەگى نۇسقاۋلىق» قابىلداندى، وعان سايكەس پروكۋرورلار بيزنەس سۋبەكتىلەرىنە قاتىستى ءاربىر ءىس بويىنشا سوتقا دەيىنگى تەرگەپ- تەكسەرۋدىڭ باستالۋىنىڭ زاڭدىلىعىن ءبىر تاۋلىك مەرزىمدە تەكسەرۋگە جانە بۇزۋشىلىقتار انىقتالعان كەزدە قىلمىستىق قۋدالاۋدى دەرەۋ توقتاتۋعا مىندەتتى. ءىس زاڭدى تۇردە قوزعالعان دەپ تانىلعان جاعدايلاردا پروكۋرور كەيىن ءاربىر 15 كۇن سايىن تەرگەۋ جۇرگىزۋدىڭ زاڭدىلىعى مەن سيپاتىن ونىڭ تولىقتىعى مەن وبەكتيۆتىلىگىن قامتاماسىز ەتە وتىرىپ تەكسەرەدى»، - دەلىنگەن حابارلامادا.
پروكۋراتۋرانىڭ حابارلاۋىنشا، ەگەر بۇرىن ەلىمىز بويىنشا كاسىپكەرلەرگە قاتىستى اي سايىن 150-گە جۋىق ءىس قوزعالسا، ءقازىر ولاردىڭ سانى 2,5 ەسەگە ازايدى.
ماسەلەن، 2022 -جىلى پروكۋرورلاردىڭ كومەگىمەن بيزنەس سۋبەكتىلەرى ءۇشىن 55 وتكىر ماسەلە شەشىلدى. ولاردىڭ ىشىندە شارۋا قوجالىقتارىن سۋمەن قامتاماسىز ەتۋ، بەرەشەك پەن سۋبسيديالار تولەۋ، الەۋمەتتىك ماڭىزى بار ونىمدەرگە قارىز الۋعا شەكتەۋلەردى جويۋ، تەكسەرۋشىلەردىڭ كوممەرتسيالىق وبەكتىلەرگە بارۋ پراكتيكاسىنىڭ جولىن كەسۋ.
بارلىق جەردە پروكۋراتۋرا ورگاندارىنىڭ بيزنەستى قورعاۋ جونىندەگى موبيلدى توپتارى جۇمىسىن 24/7 تاۋلىك بويىنا جالعاستىرۋدا.
وتكەن جىلى ولار كاسىپكەرلەردىڭ 3 مىڭنان استام سيگنالىن پىسىقتادى، ءاربىر 4- (759) فاكتى ءوز راستاۋىن تاپتى.
الماتى وبلىسىندا ارنايى «بيزنەس قۇقىقتارىن قورعاۋ جونىندەگى موبيلدىك توپتىڭ بوتى» ەنگىزىلدى. بۇل تەك ءبىر QR كودى ارقىلى پروكۋراتۋراعا سيگنال جىبەرۋگە مۇمكىندىك بەرەدى.
IT- رەسۋرستاردى ءتيىمدى پايدالانۋدىڭ جانە قاداعالاۋ اكتىلەرىن ەنگىزۋدىڭ ارقاسىندا 7,1 مىڭنان استام كاسىپكەر 1,3 ميلليارد تەڭگە سوماعا زاڭسىز ايىپپۇلدان بوساتىلدى، 9 مىڭنان استام زاڭسىز تەكسەرىستەر مەن باقىلاۋدىڭ وزگە دە نىساندارىنىڭ جولىن كەسىپ، جويىلدى.
جالپى، 2022 -جىلى كاسىپكەرلىك سالاسىنداعى بۇزۋشىلىقتار بويىنشا 1330 قاداعالاۋ اكتىسى ەنگىزىلدى، ۋاكىلەتتى ورگانداردىڭ 1230 زاڭسىز تىيىم سالۋ جانە شەكتەۋ شارالارى جويىلدى، 1240 ادام جاۋاپقا تارتىلدى.
باقىلاۋشى جانە جەرگىلىكتى اتقارۋشى ورگانداردىڭ كاسىپكەرلەردىڭ قىزمەتىنە ارالاسۋىن رەتكە كەلتىرۋ ءۇشىن 2023 -جىلعا ارنالعان بيزنەستى قورعاۋ جونىندەگى بىرلەسكەن ءىس- قيمىلداردىڭ كەشەندى جوسپارى بەكىتىلدى. بۇل پروكۋراتۋرا ورگاندارىنىڭ «اتامەكەن» ۇ ك پ جانە مەملەكەتتىك ورگاندارمەن بىرلەسكەن ءىس- قيمىلدارىنىڭ ناقتى «جول كارتاسى». جوسپار كاسىپكەرلەردى قورعاۋ تەتىكتەرىن كۇشەيتۋگە مۇمكىندىك بەرەدى جانە بيزنەس- احۋالدى جاقسارتۋعا ىقپال ەتەتىن بولادى.
كاسىپكەرلەردىڭ قۇقىقتارى بۇزىلعان جاعدايدا دەرەۋ 115 (Call-ورتالىق)، 87172301793 نەمەسە 87026297561 نومىرلەرى بويىنشا (باس پروكۋراتۋرانىڭ موبيلدى توبى) نەمەسە اۋماقتىق پروكۋراتۋرا ورگاندارىنىڭ سايتتارىندا كورسەتىلگەن نومىرلەر بويىنشا تىكەلەي حابارلاسۋعا بولادى.
