قازاقستان پياز ەكسپورتىن توقتاتتى

None
استانا. قازاقپارات - سىرتقى ساۋدا ساياساتى جانە ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيا پياز ەكسپورتىنا 3 اي مەرزىمگە تىيىم سالۋ تۋرالى شەشىم قابىلدادى.

بۇل پيازدىڭ قازاقستاننان جاپپاي شىعارىلۋىن بولدىرماۋ جانە ونىڭ باعاسىن تۇراقتاندىرۋ ءۇشىن جاسالدى.

اۋىل شارۋاشىلىعى مينيسترلىگىنىڭ حابارلاۋىنشا، ءۇشىنشى ەلدەردىڭ قازاقستاندىق پيازعا دەگەن سۇرانىسى ازيا مەن الەمدەگى ەڭ ءىرى پياز وندىرۋشىلەردىڭ ءبىرى - پاكىستانداعى تابيعي اپاتتارمەن بايلانىستى. بۇل ەلدەگى سۋ تاسقىنى الەمدە، ونىڭ ىشىندە ءبىزدىڭ ەلدىڭ نارىعىندا پياز باعاسىنىڭ وسۋىنە اكەلدى.

قازاقستاننىڭ وڭتۇستىك وڭىرلەرىندە، سونىمەن بىرگە وزبەكستاندا ءونىمنىڭ ايازدا ءۇسىپ كەتۋى ونىڭ قۇنىنا قوسىمشا سالماق بولىپ وتىر. وسىلايشا، پيازدىڭ نەگىزگى وندىرۋشىلەرى ەندى قازاقستاندىق ءونىمدى بەلسەندى تۇردە يمپورتتاپ جاتىر.

«سونىمەن قاتار ۇلتتىق ستاتيستيكا بيۋروسىنىڭ مالىمەتى بويىنشا، 2022 -جىلى ەلدەگى پيازدىڭ ءونىمى 1,1 ميلليون توننا بولعان. بۇل رەتتە قازاقستاندىقتار جىل سايىن بۇل كولەمنەن 3 ەسە از، ورتاشا ەسەپپەن العاندا 315 مىڭ توننا تۇتىنادى. اكىمدىكتەردىڭ دەرەكتەرىنە سايكەس، بۇگىندە ەلىمىزدە پيازدىڭ راستالعان قورى - 152,4 مىڭ توننا، بۇل بىلتىرعى ەگىننىڭ جالپى

كولەمىنىڭ %14 ى عانا. بۇل كولەم جاڭا ءونىم جينالعانعا دەيىن جەتكىلىكتى، سوندىقتان ەكسپورتقا ەنگىزىلگەن شەكتەۋلەر قازاقستاننان قالعان پيازدى اكەتۋ تاۋەكەلدەرىن بولدىرمايدى»، - دەلىنگەن حابارلامادا.

ايتا كەتەيىك، رەسپۋبليكادا پيازدىڭ كوتەرمە باعادا ءبىر كەلىسى 150-170 تەڭگەدەن ساتىلىپ جاتىر، ال كورشىلەس رەسەي مەن وزبەكستاندا باعا 240 تەڭگە كولەمىندە تۇرادى. سونىمەن قاتار Qaztrade مالىمەتتەرى بويىنشا، وزبەكستان مەن تاجىكستان ءوز ەلدەرىندە پياز ەكسپورتىنا شەكتەۋ قويعان ەدى.

«ۇكىمەت جاقىن ارادا نارىقتىق جاعدايدى جاقسارتۋ كەزىندە بارلىق شەكتەۋلەردى ۋاقتىلى الىپ تاستاۋ ءۇشىن ەلدەگى جانە الەمدەگى جاعدايدى مۇقيات قاداعالايدى. فەرمەرلەر ءۇشىن پياز ەكسپورتىنا تىيىم سالۋدىڭ جاعىمسىز سالدارىن ازايتۋ ءۇشىن بۇگىنگى كۇنى اۋىل شارۋاشىلىعى تاۋارىن وندىرۋشىلەردەن پيازدى ا ك ك ارقىلى تۇراقتاندىرۋ قورلارىنا، سونداي-اق ساۋدا جەلىلەرى ارقىلى اينالىم سحەماسى ارقىلى ساتىپ الۋدىڭ ءارتۇرلى تەتىكتەرى ىسكە اسىرىلىپ جاتىر»، - دەلىنگەن حابارلامادا.

سوڭعى جاڭالىقتار