التاي كولگىنوۆ: مەملەكەت باسشىسىنىڭ ءبىرىنشى تاپسىرماسى - اۋىلدى دامىتۋ

None
اقتوبە. قازاقپارات - اقتوبەگە كەلگەن پرەمەر- مينيستر ورىنباسارى التاي كولگىنوۆ «اۋىل اماناتى» جوباسىمەن تانىسىپ، پرەزيدەنت تاپسىرماسى تۋرالى ايتىپ بەردى، دەپ حابارلايدى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

«مەملەكەت باسشىسىنىڭ ءبىرىنشى تاپسىرماسى اۋىلدىڭ دامۋىنا، حالىقتىڭ تابىسىنىڭ ارتۋىنا، جۇمىسپەن قامتۋعا بايلانىستى بولدى. بۇل جوبا اۋىل تۇرعىندارىنىڭ ءومىر ءسۇرۋ دەڭگەيىن ارتتىرۋعا ارنالعان، ولارعا ءوز ءىسىن اشۋعا مۇمكىندىك بەرەدى. قازىر ءبىز پرەزيدەنتتىڭ تاپسىرمالارىن ورىنداۋ ماقساتىندا جەرگىلىكتى جەرلەردە قابىلدانىپ جاتقان شارالارمەن تانىسۋ ءۇشىن وڭىرلەردى ارالاپ ءجۇرمىز»، - دەدى التاي كولگىنوۆ.

كەزدەسۋگە قاتىسۋشىلار جوبا جانە نەسيەلەۋ شارتتارىنا قاتىستى وزدەرىن تولعاندىرعان سۇراقتار قويدى.

«جوبادا وتە ىڭعايلى شارتتار قاراستىرىلعان. مەنىڭ ءسۇتتى وڭدەپ، ونى ساتىلىمعا شىعاراتىن شاعىن شارۋاشىلىعىم بار. ەندى ءىرى قارا مال تۇرىندە تاۋارلىق نەسيە الىپ، قايتا وڭدەۋ كولەمىن جانە تيىسىنشە وتباسىلىق كىرىستى ۇلعايتقىم كەلەدى»، - دەپ اقجار اۋىلدىق وكرۋگىنىڭ تۇرعىنى انارگۇل قاديروۆا جوسپارلارىمەن ءبولىستى.

اقتوبە وبلىسىنىڭ اكىمى ەرالى توعجانوۆ «اۋىل اماناتى» - پرەزيدەنت قاسىم- جومارت توقايەۆتىڭ «قازاقستان رەسپۋبليكاسىندا اۋىلدى اۋماقتاردى دامىتۋدىڭ 2023-2027 -جىلدارعا ارنالعان تۇجىرىمداماسى تۋرالى» ءبىرىنشى جارلىعى اياسىندا وڭىردە ىسكە اسىرىلىپ جاتقان باستى جوبالاردىڭ ءبىرى ەكەنىن اتاپ ءوتتى.

«اقتوبە وبلىسى ەلىمىزدە ءبىرىنشى بولىپ اۋقىمدى جوبانى قولعا الدى.

«اۋىل اماناتىنىڭ» ءبىرىنشى كەزەڭىنە وبلىستىڭ 24 اۋىلدىق وكرۋگىنىڭ 43 مىڭعا جۋىق تۇرعىنى قاتىسادى. قۇس شارۋاشىلىعى بويىنشا - 2 182 جوبا، وسىمدىك شارۋاشىلىعىندا – 342، شاعىن كاسىپ بويىنشا – 224، كووپەراتيۆتەردى جاراقتاندىرۋعا باعىتتالعان 24 جوبا ىسكە اسىرىلماق. قارجىلاندىرۋ 3 ميلليارد تەڭگەنى قۇرايدى. بيىل قوسىمشا 3,5 ميلليارد تەڭگە ءبولىندى.

جوبا كەزىندە تەك اقشالاي نەسيە ەمەس، تاۋارلىق نەسيە بەرىلەدى. اتاپ ايتقاندا، 27 ءىرى شارۋا قوجالىعى ەسەبىنەن اۋىل تۇرعىندارىنا 6 مىڭ باس مال مال بەرۋ جوسپارلاندى. اۋىل تۇرعىندارى تاۋارلىق نەسيەگە العان مالدى تولمەن قايتارادى. بۇگىنگى تاڭدا 42 جەكە قوسالقى شارۋاشىلىققا 650 باس مال بەرىلدى.

جوباعا قاتىساتىن اۋىلداردا ونى ىسكە اسىرۋ ناتيجەسىندە جۇمىسسىزدار سانى % 41,4، اتاۋلى الەۋمەتتىك كومەك الۋشىلار سانى % 49,3 ازايادى. وتباسىنىڭ ورتاشا تابىسى % 192 ارتادى»، - دەدى ەرالى توعجانوۆ.

حرومتاۋ اۋدانىندا جوباعا اقجار جانە تاسوتكەل اۋىلدىق وكرۋگتەرىنىڭ تۇرعىندارى قاتىسادى. مۇندا 43 جۇمىسسىز، 219 ءوزىن- ءوزى جۇمىسپەن قامتىعان، ا ءا ك الاتىن 4 وتباسى بار. ءبىرىنشى كەزەڭدە ولار 738 ميلليون تەڭگە سوماسىنا 336 جوبانى ىسكە اسىرادى. 150 جوبا مال، 11 جوبا وسىمدىك، 155 جوبا قۇس شارۋاشىلىقتارىن دامىتۋ، 13 جوبا ەت، كوكونىس جانە ءسۇت وڭدەۋ، تاعى 7 جوبا كووپەراتيۆتەردى جابدىقتاۋعا باعىتتالعان. جوبا ىسكە اسقاندا حرومتاۋ اۋدانىنداعى اتاۋلى الەۋمەتتىك كومەك الۋشىلاردىڭ سانى % 42,1 ازايادى، وعان قاتىساتىن وتباسىلاردىڭ تابىسى كەمىندە % 209 ارتادى، وسىمدىك شارۋاشىلىعىنىڭ ۇلەسى % 25- دان % 31- عا دەيىن ۇلعايادى دەپ كۇتىلىپ وتىر.

حرومتاۋ اۋدانىنداعى 14 اۋىلدىق وكرۋگتىڭ 16500-گە جۋىق تۇرعىنى «اۋىل اماناتى» جوباسىنا قاتىسۋعا نيەتتى. ولار 945 جوبانى ىسكە اسىرادى.

فوتو: اقتوبە وبلىسى اكىمىنىڭ باسپا ءسوز قىزمەتى.

اۆتور

التىناي ساعىندىقوۆا

سوڭعى جاڭالىقتار