ق ر پرەزيدەنتى شەيح سۋرۋر بەن مۇحاممەد ءال ناحايانمەن كەزدەستى

None
استانا. قازاقپارات - پرەزيدەنت ابۋ دابي امىرلىگىنىڭ بيلىك باسىنداعى ​​​​اۋلەتىنىڭ اعا وكىلى، ب ا ءا - ءنىڭ ءىرى كاسىپكەرلەرىنىڭ ءبىرى، «First Abu Dhabi Bank» اكسيونەرى سۋرۋر بەن مۇحاممەد ءال ناحايانمەن كەزدەسۋ وتكىزدى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

قاسىم-جومارت توقايەۆ بىرىككەن اراب امىرلىكتەرى قازاقستاننىڭ ايماقتاعى باستى ەكونوميكالىق جانە ساۋدا سەرىكتەسى ەكەنىن، ب ا ءا پرەزيدەنتى شەيح مۇحاممەد بەن زايد ءال ناحايانمەن بۇگىنگى كەلىسسوز بارىسىندا ساۋدا-ەكونوميكالىق جانە ينۆەستيتسيالىق ىنتىماقتاستىقتى ودان ءارى نىعايتۋ جونىندە ۋاعدالاستىققا كەلگەنىن، سونداي-اق ماڭىزدى كەلىسىمدەرگە قول قويعانىن جەتكىزدى.

مەملەكەت باسشىسىنىڭ ايتۋىنشا، قازاقستان مەن ب ا ءا ۇكىمەتتەرى قابىلداعان ستراتەگيالىق ينۆەستيتسيالىق جوبالار جاساۋ تۋرالى بىرلەسكەن دەكلاراتسيا ەكىجاقتى سەرىكتەستىكتى نىعايتۋعا تىڭ سەرپىن بەرەدى.

پرەزيدەنت ينۆەستيتسيالىق ءىس-ارەكەتتىڭ باسىمدىعىنا نازار اۋدارىپ، قابىلدانعان دەكلاراتسيا اياسىندا شەيح سۋرۋر بەن مۇحاممەد ءال ناحاياننىڭ كومپانيالار توبىن ءبىرقاتار جوبانى جۇزەگە اسىرۋعا شاقىردى.

ءوز كەزەگىندە ابۋ دابي امىرلىگىنىڭ بيلىك باسىنداعى اۋلەتىنىڭ اعا وكىلى قازاقستانداعى جوبالارعا ينۆەستيتسيا قۇيۋ جونىندەگى جوسپارىن ايتتى.

ايتا كەتەيىك، جەكسەنبى كۇنى مەملەكەت باسشىسى رەسمي ساپارمەن بىرىككەن اراب امىرلىكتەرىنە باردى.

كەشە ق ر پرەزيدەنتى «ابۋ دابي تۇراقتى دامۋ اپتالىعى» سامميتىنىڭ اشىلۋ راسىمىنە قاتىسىپ، ءسوز سويلەدى.

ال بۇگىن قاسىم-جومارت توقايەۆتى ب ا ءا پرەزيدەنتىنىڭ سارايىندا سالتاناتتى قارسى الۋ ءراسىمى ءوتتى.

قاسىم-جومارت توقايەۆ ب ا ءا پرەزيدەنتى شەيح مۇحاممەد بەن زايد ءال ناحايانمەن كەلىسسوز جۇرگىزدى.

ق ر پرەزيدەنتتىڭ ب ا ءا - گە رەسمي ساپارى اياسىندا 9 قۇجاتقا قول قويىلدى.

قاسىم-جومارت توقايەۆ پەن ب ا ءا پرەزيدەنتى شەيح مۇحاممەد بەن زايد ءال ناحايان بىرلەسكەن مالىمدەمەسىن جاريالادى.

قاسىم-جومارت توقايەۆ ب ا ءا پرەزيدەنتىنە قوناقجايلىلىعى ءۇشىن العىس ءبىلدىردى.

سوڭعى جاڭالىقتار