قاسىم-جومارت توقايەۆ ب ا ءا پرەزيدەنتىنە قوناقجايلىلىعى ءۇشىن العىس ءبىلدىردى

بۇل تۋرالى پرەزيدەنت ءوزىنىڭ Twitter- دەگى پاراقشاسىندا جازدى، دەپ حابارلايدى قازاقپارات.

«قوناقجايلىق كورسەتىپ، مازمۇندى كەلىسسوز جۇرگىزگەنى ءۇشىن ب ا ءا پرەزيدەنتى شەيح @MohamedBinZayed العىس ايتامىن. كەلىسسوز قورىتىندىسى بويىنشا ماڭىزدى كەلىسىمدەرگە قول قويىلدى»، - دەپ جازدى قاسىم-جومارت توقايەۆ.

ايتا كەتەيىك، جەكسەنبى كۇنى مەملەكەت باسشىسى رەسمي ساپارمەن بىرىككەن اراب امىرلىكتەرىنە باردى.

كەشە ق ر پرەزيدەنتى «ابۋ دابي تۇراقتى دامۋ اپتالىعى» ءسامميتىنىڭ اشىلۋ راسىمىنە قاتىسىپ، ءسوز سويلەدى.

ال بۇگىن قاسىم-جومارت توقايەۆتى ب ا ءا پرەزيدەنتىنىڭ سارايىندا سالتاناتتى قارسى الۋ ءراسىمى ءوتتى.

قاسىم-جومارت توقايەۆ ب ا ءا پرەزيدەنتى شەيح مۇحاممەد بەن زايد ءال ناحايانمەن كەلىسسوز جۇرگىزدى.

ق ر پرەزيدەنتتىڭ ب ا ءا - گە رەسمي ساپارى اياسىندا 9 قۇجاتقا قول قويىلدى.

قاسىم-جومارت توقايەۆ پەن ب ا ءا پرەزيدەنتى شەيح مۇحاممەد بەن زايد ءال ناحايان بىرلەسكەن مالىمدەمەسىن جاريالادى.