19:44, 17 - قاڭتار 2023 | GMT +6
نازاربايەۆتىڭ جەر يەلىگى: كىم ەكەنىنە قارامايمىز - مينيستر
استانا. قازاقپارات - ۇكىمەت وتىرىسىنان سوڭ اۋىل شارۋاشىلىعى ءمينيسترى ەربول قاراشوكەيەۆ يگەرلىمەي قالعان جەرلەردى قايتارۋ كەزىندە ەشكىمنىڭ اتى-ءجونى ەسكەرىلمەيتىنىن ايتتى، دەپ جازادى BAQ. KZ ءتىلشىسى.
ب ا ق وكىلى مينيسترگە «تۇڭعىش پرەزيدەنت - ەلباسى تۋرالى» زاڭ كۇشىن جويعالى جاتىر. وسىعان بايلانىستى ەكس-پرەزيدەنت نۇرسۇلتان نازاربايەۆتىڭ وتباسى مۇشەلەرىنە تيەسىلى جەرلەر قايتارىلا ما؟ دەپ سۇراق قويدى.
اۋىل شارۋاشىلىعى ءمينيسترى ەربول قاراشوكەيەۆ مۇنداي كەزدە ازاماتتاردىڭ كىم ەكەنى جانە فاميلياسى اسەر ەتپەيتىنىن ايتتى.
- كىم جانە فاميلياسى قانداي بولماسىن، بىزگە ول اسەر ەتپەيدى. بۇكىل جەردى تەكسەرەمىز. جەردى ءتيىمسىز پايدالانۋ، ونى زاڭدى بۇزا وتىرىپ بەرۋ فاكتىلەرى بولسا، مىندەتتى تۇردە جەردى تەكسەرىپ، مەملەكەتكە قايتارامىز، - دەپ جاۋاپ بەردى ەربول قاراشوكەيەۆ.
