ا ق ش- تا مەرەكە كەزىندە سەگىز ادام جاراقات الدى
CNN مالىمەتىنشە، وقيعا 16-قاڭتاردا كۇندىز فورت- پيرس قالاسىنداعى يلۋس ەلليس ساياباعىندا بولدى. وندا مىڭنان استام ادام، سونىڭ ىشىندە بالالار جۇرگەن.
پوليسيانىڭ دەرەگى بويىنشا، دەمالۋعا كەلگەن ەكى توپ جانجالداسىپ قالىپ، ارتىنشا اتىس بولعان. وق اتىلعان سوڭ ارادا توبەلەس باستالىپ، كەم دەگەندە ءتورت ادام جاراقات العان.
جالپى، زارداپ شەككەن سەگىز ەرەسەك ادام اۋرۋحاناعا جەتكىزىلدى، ولاردىڭ بىرەۋى اۋىر حالدە.
ساياباقتا جاپپاي حاوس بولدى، ادامدار ءارتۇرلى قۇرىلىمدار مەن ماشينالاردىڭ ارتىنا تىعىلىپ، كەلگەن پوليتسيا اتىسقا قاتىسقاندار مەن قۇرباندارىن انىقتاي الماعان.
قۇقىق قورعاۋ ورگاندارىنىڭ الدىن الا باعالاۋى بويىنشا بىرنەشە ادام وق اتقان. قازىرگى ۋاقىتتا تەرگەۋ جۇرگىزىلىپ، وقيعا ورنى زەرتتەلىپ جاتىر، قىلمىس كۋاگەرلەرى سۇرالۋدا.
مارتين ليۋتەر كينگ كۇنى افروامەريكالىقتاردىڭ قۇقىقتارىن قورعاۋشىعا ارنالعان فەدەرالدى مەرەكە جانە ا ق ش- تاعى بەيبىتشىلىك پەن تەڭدىكتى بەينەلەيتىن مەملەكەتتىك دەمالىس كۇنى دەپ جاريالانعان.
