ايدوس ەربوسىن ۇلىنىڭ كومادان كەيىنگى جاعدايى ايتىلدى

استانا. قازاقپارات - WorldBoxingNews.net رەسۋرسى قازاقستاندىق ايدوس ەربوسىن ۇلىنىڭ جەكپە-جەكتەن كەيىنگى جاعدايى تۋرالى ايتتى، - دەپ حابارلايدى Tengri Sport سايتى.

31 جاستاعى قازاقستاندىق بىلتىر كۋبالىق داۆيد موررەلمەن جەكپە-جەككە شىققان بولاتىن.

«ەربوسىن ۇلى جەكپە-جەكتەن كەيىن 12 كۇندەي مەديكامەنتوزدىق كومادا جاتتى: دارىگەرلەر ونىڭ ميىنا قان كەتىپ قالماۋى ءۇشىن قولىنان كەلگەننىڭ ءبارىن جاسادى»، - دەپ جازدى باسىلىم.

ارتىنشا ايدوس ەربوسىن ۇلىنا وپەراتسيا جاسالعان. ابىروي بولعاندا، ەربوسىن ۇلى ءۇش كۇننەن كەيىن 17- قاراشادا ويانعان. قازاقستاندىق بوكسشى ءوز-وزىنە كەلىپ، ارتىنشا اۋرۋحانانىڭ جانساقتاۋ بولىمىنە جاتقىزىلعان. بىرنەشە اپتادان كەيىن ايدوس ۇيىنە ورالعان.

«سوڭعى جەكپە-جەگىمدە ەلىمنىڭ ءۇمىتىن اقتاي المادىم. العاش رەت كاسىبي رينگتە جەڭىلىستىڭ اششى ءدامىن سەزدىم. ءبىراق ءومىر بولعاننان كەيىن جەڭىس تە، جەڭىلىس تە قاتار جۇرەتىنى ءسوزسىز»، - دەگەن ەكەن بوكسشى باسىلىمعا.