بۇگىن وڭتۇستىكتە اياز، شىعىستا بوران سوعادى

استانا. قازاقپارات - قازگيدرومەت سينوپتيكتەرى 17-قاڭتار، سەيسەنبىگە ارنالعان اۋا رايى بولجامىن ۇسىندى، دەپ حابارلايدى قازاقپارات.

كەڭ اۋقىمدى سولتۇستىك- باتىس انتيتسيكلونىنىڭ اسەرىنەن ەلىمىزدىڭ بارلىق ايماقتارىندا جاۋىن- شاشىنسىز اۋا رايى ساقتالادى.

رەسپۋبليكانىڭ شىعىسىندا اتموسفەرالىق فرونتتار ءجۇرىپ وتەدى. وسىعان بايلانىستى قار جاۋادى، جەل كۇشەيىپ، بوران سوعادى.

ەلدىڭ وڭتۇستىگىندە تۇمان بولادى.

تۇندە سولتۇستىكتە، شىعىستا، جەتىسۋ وبلىسى مەن الماتى وبلىسىنىڭ تاۋلى اۋداندارىندا 25-26 گرادۋس قاتتى اياز ساقتالادى.