قىرعىزستان ەلەكتر ەنەرگياسىن تۇتىنۋ بويىنشا رەكورد جاڭارتتى

بىشكەك. قازاقپارات - قىرعىزستان سوڭعى ءۇش كۇندە ەلەكتر ەنەرگياسىن تۇتىنۋ بويىنشا رەكورد جاڭارتىپ كەلەدى.

بۇل تۋرالى كابار اگەنتتىگىندە وتكەن باسپا ءسوز ءماسليحاتىندا ەنەرگەتيكا ۆيتسە-ءمينيسترى ميرلان جاقىپوۆ ءمالىم ەتتى، دەپ حابارلايدى قازاقپارات كابار اقپارات اگەنتتىگىنە سىلتەمە جاساپ.

ونىڭ ايتۋىنشا، ەلدەگى قالىپتان تىس سۋىقتىڭ سالدارىنان ەنەرگەتيكا جۇيەسىنە جۇكتەمە ارتتى. مۇنداي جاعداي كەڭەستىك كەزەڭنەن بەرى بايقالماعان.

«وتكەن تاۋلىكتە 76 ميلليون كيلوۆاتت ساعات تۇتىنىلدى. سوڭعى بىرنەشە كۇنى كەشكى ۋاقىتتا ەنەرگيا جۇيەسى قولدانىستاعى قۋات شەگىندە جۇمىس ىستەپ تۇر، بۇل جىلۋ بەرۋ ماۋسىمىندا رۇقسات ەتىلمەيدى. جابدىقتاردىڭ قاۋىپسىز جۇمىس ىستەۋىن قامتاماسىز ەتۋ جانە توتەنشە جاعدايلاردى بولدىرماۋ ءۇشىن ەلدىڭ تۇكپىر-تۇكپىرىندە ەنەرگەتيكتەر سۋ ەلەكتر ستانتسيالارى مەن قوسالقى ستانسالاردا تاۋلىك بويى كەزەكشىلىك اتقارۋدا»، - دەدى ول.

ونىڭ ايتۋىنشا، اپاتتىق ءوشىرۋ بولعان جوق.