ايبەك سمادياروۆ «التىن بۇرىش» اۋماعى ارقىلى قۇلدىققا تۇسىرگەن توپتىڭ ءتاسىلى تۋرالى مالىمەت بەردى
«ءبىز ۋكراينانىڭ قۇزىرەتتى ورگاندارىنان قازاقستان ازاماتتارىنىڭ ۇستالۋى نەمەسە ۋكراينا اۋماعىندا قارۋلى قاقتىعىسقا قاتىسۋى تۋرالى رەسمي اقپارات العان جوقپىز. وسى رەتتە وزدەرىڭىز بىلەتىندەي، مۇنداي ارەكەتتەر قازاقستان زاڭناماسىنا سايكەس، قىلمىستىق جاۋاپكەرشىلىكتى كوزدەيدى»، - دەدى ول بريفينگىدە.
سونداي-اق، ول قوزعالىس ەركىندىگى - قازاقستان ازاماتتارىنىڭ اجىراماس قۇقىعى ەكەنىن ەسكە سالدى.
«قازاقستان زاڭناماسىنا سايكەس، قىزمەتتى مىندەتتەرىن ورىنداۋعا، قىلمىستىق جاۋاپكەرشىلىككە، سوت شەشىمىن ورىنداۋعا نەمەسە تاعى باسقا ءتيىستى سەبەپتەرگە بايلانىستى قازاقستاننان تىس جەرلەرگە شىعۋعا ءبىرقاتار شەكتەۋلەر بار. مەملەكەت سوعىس قيمىلى ءوتىپ جاتقان اۋماقتارعا بارماۋعا تەك كەڭەس بەرە الادى. ءبىراق مۇنداي جاعدايدا دا تاڭداۋ قۇقىعى ازاماتتاردىڭ وزىندە قالادى. سالدارى ءۇشىن ءوزى جاۋاپ بەرەدى»، - دەيدى س ءى م رەسمي وكىلى.
ايبەك سمادياروۆ ۋكراينا زاڭناماسى قىرىم سەكىلدى اۋماقتارعا بارۋعا تىيىم سالاتىنىن ەسكەرتتى.
«ۋكراينا تاراپى ەۋروپا اۋماعىنداعى ەلدەرگە بۇزۋشىنىڭ شەنگەن اۋماعىنا كىرۋگە تىيىم سالۋعا دا ءوتىنىش جاساۋعا قۇقىلى. ۋكراينا بيلىگىنىڭ رۇقساتىنسىز قىرىم اۋماعىنا جانە باسقا دا داۋلى اۋماقتارعا بارعان قازاقستاندىقتار ۋكراينانىڭ باسىپ الىنعان اۋماقتارىنىڭ مارتەبەسى تۋرالى زاڭبۇزۋشى بولىپ تابىلادى. وسىعان بايلانىستى ولارعا ۋكراينانىڭ دا، باسقا سەرىكتەس ەلدەردىڭ دە سانكتسيالارى قولدانىلۋى مۇمكىن. كەيبىر جاعدايلاردا قىلمىستىق قۋدالاۋ دا، حالىقارالىق ىزدەۋ دە ىقتيمال»، - دەدى ۆەدومستۆو وكىلى.
