قازاقستاندىق تەننيسشى اۋستراليا اشىق چەمپيوناتىن جەڭىسپەن باستادى
وسى «ۇلكەن دۋلىعا» تۋرنيرىنىڭ 22-راكەتكاسى بولىپ تىركەلگەن ە. رىباكينا العاشقى اينالىمدا دۇنيەجۇزىلىك رەيتينگتە 48-ورىندا تۇرعان يتاليالىق ەليزابەتتا كوچچارەتتومەن كەزدەستى.
بۇعان دەيىن قارسىلاستار ءوزارا ءبىر رەت ويناپ، وندا قازاقستاندىق تەننيسشى جەڭىسكە جەتكەن ەدى.
بۇل جولى دا ەلەنا رىباكينا 7:5، 6:3 ەسەبىمەن ۇتتى.
ءبىر ساعات 20 مينۋتقا سوزىلعان ماتچتا ەلەنا 5 ەيس جاساپ، 12 برەيك-پوينتتىڭ بەسەۋىن پايدالانا ءبىلدى. قارسىلاسى 2 ەيس، 3 برەيكپەن شەكتەلدى.
ە. رىباكينا ءۇشىنشى اينالىمعا شىعۋ ءۇشىن الەمنىڭ 104-راكەتكاسى، سلوۆەنيالىق كايا يۋۆان نەمەسە رەيتينگتە 185-ساتىداعى فرانتسيالىق سەلەنا يانيچيەۆيچتىڭ بىرەۋىمەن تالاسادى.
وتكەن جىلى ە. رىباكينا باستاپقىدا وتانداسى زارينا دياستى ۇتقانىمەن، ەكىنشى اينالىمدا جەڭىلىپ قالعان ەدى.
ەسكە سالا كەتەيىك، بۇدان بۇرىن اۋستراليا اشىق چەمپيوناتىندا قازاقستاندىقتاردان ءبىرىنشى بولىپ ەلەنا رىباكينانىڭ كورتقا شىعاتىنىن جازعان بولاتىنبىز.
سونداي-اق يۋليا پۋتينتسيەۆا الەمدىك رەيتينگىدە ۇزدىك 50 تەننيسشىنىڭ قاتارىنا كىردى.
