كونگرەستىڭ وكىلدەر پالاتاسى دجو بايدەندى تەرگەۋگە تارتپاقشى

None
استانا. قازاقپارات- ا ق ش كونگرەسىنىڭ وكىلدەر پالاتاسى ەل پرەزيدەنتى دجو بايدەندى تەرگەۋگە تارتپاقشى. وعان بايدەننىڭ جەكە ءۇيى مەن كەڭسەسىنەن قۇپيا قۇجاتتاردىڭ تابىلۋى سەبەپ بولىپ وتىر. اق ءۇي باسشىسى جاۋاپقا تارتىلا ما؟

قۇپيا قۇجاتتار وتكەن اپتادا دجو بايدەننىڭ جەكە ءۇيىنىڭ گاراجىنان شىقسا، ەكىنشىسى پەنسيلۆانيا ۋنيۆەرسيتەتىندەگى «بايدەن» تالداۋ ورتالىعىن قاراشا ايىندا تابىلعان. اسا قۇپيا ءمورى بار قۇجاتتاردى بايدەن ۆيتسە- پرەزيدەنت كەزىندە پايدالانعان، ءبىراق تالاپ بويىنشا كەيىن مۇراعاتقا وتكىزبەگەن. ونىڭ ۇستىنە وتكەن جىلى قاراشا تابىلعان قۇجاتتار تۋرالى قوعام ەندى عانا ءبىلىپ وتىر.

كيەۆين ماككارتي، ا ق ش وكىلدەر پالاتاسىنىڭ سپيكەرى:

- ولار مۇنى سايلاۋعا دەيىن بىلگەن، ءبىراق جاسىرىپ قالعان. سول كەزدە بايدەن ءوزى قاتەلىك جىبەرگەنىمەن قويماي ترامپتى سىنعا الدى. ولاردىڭ پرەزيدەنت ترامپتىڭ ۇيىنەن تاركىلەنگەن قۇجاتتاردىڭ سۋرەتتەرىن جاريا قىلعانىن كوردىڭىزدەر. ال پرەزيدەنت بايدەن ۇستاعان قۇجاتتارىنىڭ فوتوسۋرەتتەرى قايدا؟ زاڭ ورتاق ەمەس پە؟ نە سەبەپتى ولار ساياسي سەنىمدەرىنە ساي ارەكەت ەتەدى. بۇل امەريكا حالقىنىڭ ۇكىمەتكە دەگەن سەنىمسىزدىگىن تۋدىرادى.

جاڭا جىلدان كونگرەستىڭ وكىلدەر پالاتاسىن باقىلاۋىنا العان رەسپۋبليكالىق پارتيا كوميتەت دەڭگەيىندە پرەزيدەنتتى تەرگەۋگە تالپىنىپ وتىر. باس پروكۋراتۋرا دا بۇل ءىستىڭ ءمان- جايىن انىقتاۋعا كىرىسىپ كەتتى. دەموكراتتار ترامپتى قۋدالاعان سوڭ رەسپۋبليكاشىلدار پرەزيدەنتكە كەك قايتارىپ جاتىر دەگەن اڭگىمە بولماس ءۇشىن بايدەننىڭ ىسىنە تاۋەلسىز تەرگەۋ جۇرگىزەتىن، ەكى پارتياعا دا قاتىسى جوق ارنايى پروكۋرور تاعايىندالدى. ال ا ق ش پەرەزيدەنتى كەڭسەسىندە قۇپيا قۇجاتتاردىڭ ساقتالعانىن بىلمەدىم دەپ اقتالدى.

دجو بايدەن، ا ق ش پرەزيدەنتى:

- زاڭگەرلەر پەنسيلۆانيا ۋنيۆەرسيتەتىندەگى كەڭسەمدى تازالاعان كەزدە قۇلىپتالعان شكافتىڭ ىشىنەن كەيبىر قۇجاتتاردى تاۋىپ الىپتى. ولار بىردەن مۇراعاتقا حابارلاسىپ، بارلىعىن وتكىزدى. مەن شىنىمدى ايتسام سول كەڭسەدە قانداي دا ءبىر مەملەكەتتىك جازبالاردىڭ بار ەكەنىن ەستىگەندە تاڭ قالدىم.

وسىلايشا ا ق ش- تىڭ بۇرىنعى پرەزيدەنتى ترامپ جانە قازىرگى باسشىسى بايدەن پروكۋروردىڭ تەرگەۋىنە تارتىلماق. ءبىراق ولاردىڭ جاۋاپكەرشىلىك دارەجەسى بىردەي ەمەس، دەپ ساراپشىلار قازىرگى پرەزيدەنتتى الدەن اقتاپ جاتقانداي. ويتكەنى دجو بايدەننىڭ زاڭگەرلەرى قۇپيا قۇجاتتاردى وزدەرى تاۋىپ الىپ، بىردە مۇراعاتقا وتكىزدى. ال ترامپ قانشا سۇراۋ سالسا دا اق ۇيدەن الىپ كەتكەن قۇجاتتاردى بەرمەي قويعان ەدى. سوندىقتان تامىز ايىندا ف ب ر ونىڭ ۇيىنە ءتىنتۋ جۇرگىزىپ، 100-گە جۋىق قۇپيا قۇجاتتى تاركىلەگەن. ەكەۋى دە 2024 -جىلى وتەتىن پرەزيدەنت سايلاۋى الدىندا وسىنداي كەدەرگىگە تاپ بولىپ وتىر.

www.24.kz


سوڭعى جاڭالىقتار