21:00, 13 - قاڭتار 2023 | GMT +6
سارى ءنومىرلى كولىكتەردى ارمەنياعا بارماي تىركەۋدەن شىعارۋ ماسەلەسى پىسىقتالۋدا – ءى ءى م
استانا. قازاقپارات - ىشكى ىستەر مينيسترلىگى سىرتقى ىستەر مينيسترلىگىمەن بىرلەسىپ سارى ءنومىرلى كولىكتەردى ارمەنيا تىركەۋىنەن قاشىقتان شىعارۋدىڭ جولدارىن قاراستىرىپ جاتىر، دەپ حابارلايدى قازاقپارات ءتىلشىسى.
بۇل تۋرالى ىشكى ىستەر مينيسترلىگى اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى التىنبەك جاماليەۆ ايتتى.
«ارمەنيا رەسپۋبليكاسىنان اكەلىنگەن، ۋاقىتشا ەسەپكە قويىلعان جانە سارى مەملەكەتىك تىركەۋ ءنومىرىنىڭ بەلگىلەرىن العان كولىك قۇرالدارىن زاڭداستىرۋ شەڭبەرىندە تىركەلۋگە جاتادى. سونىمەن بىرگە اق مەملەكەتتىك تىركەۋ ءنومىرىنىڭ بەلگىسىن الۋ مۇمكنىدىكتەرى بار. الايدا اتالعان كولىك يەلەرى تىركەۋ ەلىنەن اۆتوكولىكتەرىن شەشۋ ماسەلەسى بويىنشا ىشكى ىستەر مينيسترلىگىنە قويدى. ىشكى ىستەر مينيسترلىگى سىرتقى ىستەر مينيسترلىگىمەن بىرلەسىپ جانە ارمەنيا رەسپۋبليكاسىنداعى ارىپتەستەرىمەن قوسا وتىرىپ، وسى ماسەلەنى قاشىقتىقتان شەشۋ جانە ەسەپتەن شىعارۋ ماسەلەلەرىن پىسىقتاپ جاتقانىن حابارلايمىز»، - دەدى اعا ينسپەكتور.
