ا ق ش- تا تورنادودان جەتى ادام قازا تاپتى

استانا. قازاقپارات – ا ق ش- تا تورنادو داۋىلى تۇرىپ، جەتى ادام قازا تاپتى. سونداي-اق، 12 ادام زارداپ شەكتى.

بۇل تۋرالى Associated Press ءمالىم ەتتى، دەپ حابارلايدى قازاقپارات.

تورنادو سالدارىنان الاباما شتاتىندا التى ادام، دجوردجيا شتاتىندا تاعى ءبىر ادام قازا تاپقان.

اگەنتتىك وتوگا (الاباما شتاتى) وكرۋگى بويىنشا توتەنشە جاعدايلار باسقارماسىنىڭ باسشىسىنا سىلتەمە جاساي وتىرىپ ءمالىم ەتكەنىندەي، بيلىكتىڭ ەسەبىنە تابيعات قۇبىلىسىنان زاقىمدانعان 40-50 ءۇي الىنعان.

Poweroutage.us پورتالىنىڭ مالىمەتى بويىنشا، دجوردجيادا 65,6 مىڭنان جانە الابامادا 32,5 مىڭنان استام تۇتىنۋشى ەلەكتر قۋاتىنسىز قالعان.