وڭىرلەردەگى تۇرعىندار نازاربايەۆتىڭ اتى بەرىلگەن كوشەلەردىڭ اتاۋىن وزگەرتۋدى كوتەرىپ جاتىر - دەپۋتات
«ءبىز وڭىرلەرگە بارعاندا، تۇرعىندار بۇل باعىتتا ماسەلە كوتەرىپ جاتادى. سەبەبى، ءار وبلىستا نۇرسۇلتان نازاربايەۆتىڭ اتى بەرىلگەن ۇلكەن داڭعىلدار بار. مەنىڭ ويىمشا، بۇل ماسەلەنى جەرگىلىكتى دەڭگەيدە شەشۋ كەرەك. كوشەنىڭ اتىن اۋىستىرۋ ءۇشىن ءماسليحات شەشىم قابىلداۋى ءتيىس. جالپى، تۇرعىندار بۇل ماسەلەگە قاتىستى وزدەرىنىڭ ۇسىنىستارىن ايتىپ جاتىر»، - دەدى ە. سايروۆ پارلامەنت پالاتالارىنىڭ بىرلەسكەن وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
وسى ورايدا ول پارلامەنتتىڭ ەلباسى تۋرالى قۇجاتتىڭ كۇشىن جويۋعا باعىتتالعان كونستيتۋتسيالىق زاڭدى قابىلداۋى قوعام تالابى بويىنشا ىسكە اسىرىلعانىن ايتتى.
ق ر پارلامەنتى پالاتالارىنىڭ بىرلەسكەن وتىرىسىندا «ق ر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭنىڭ كۇشى جويىلدى دەپ تانۋ تۋرالى» كونستيتۋتسيالىق زاڭ قابىلداندى.
اتالعان زاڭ جوباسى جالپى ۇلتتىق رەفەرەندۋم ناتيجەسىندە قازاقستان كونستيتۋتسياسىنا ەنگىزىلگەن وزگەرىستەردى ىسكە اسىرۋ ماقساتىندا ازىرلەندى.
ە. سايروۆتىڭ سوزىنە قاراعاندا، ەكس- پرەزيدەنت نۇرسۇلتان نازاربايەۆتا بۇرىنعى باسىمدىقتارى بولمايدى.
