زەينەتكە ەرتە شىعۋ نەگە قاۋىپتى؟ عالىمدار جاۋابى

None
استانا. قازاقپارات - ادام ۇزاق ۋاقىت بويى جۇمىسسىز بولسا، قيىن كەزەڭگە تاپ بولادى. ونىڭ جادى باياۋ السىرەيدى، دەمەنسياعا شالدىعۋ مۇمكىندىگى ارتادى، - دەپ حابارلايدى doctorpiter. ru.

كوپ قارت ادام ەرتە زەينەتكە شىعۋدى ارماندايدى: جۇمىس ىستەمەيدى، دەمالىپ، قولونەر، كىتاپ وقۋ نەمەسە باۋ-باقشا ءوسىرۋ سياقتى وزىنە ۇنايتىن نارسەنى جاساي الادى.

دەگەنمەن عالىمدار مانساپتى ەرتە اياقتاماۋ كەرەگىن ەسكەرتەدى. سونىمەن قاتار، ەرتە زەينەتكەرلىككە شىعۋ ەگدە جاستاعى ادامداردا ويلاۋ قابىلەتىن باياۋلاتۋى مۇمكىن.

بينگەمتون ۋنيۆەرسيتەتىنىڭ عالىمدارى پلامەن نيكولوۆ پەن شاحادات حوسسەين قىتايداعى اۋىل تۇرعىندارى ءۇشىن جاڭا زەينەتاقى سحەماسىن (NRPS) جانە قىتايدىڭ دەنساۋلىق پەن زەينەتكەرلىككە شىعۋدىڭ ۇلتتىق ۇزاق مەرزىمدى زەرتتەۋىن (CHARLS) قاراستىردى، بۇل - 45 جاستان اسقان ادامداردىڭ كوگنيتيۆ دەڭگەيىن باعالاۋ ءۇشىن جاسالعان زەرتتەۋ. وسىنداي قيىن جۇمىستى بينگەمتون ۋنيۆەرسيتەتىنىڭ عالىمدارى ەرتە زەينەتكە شىعۋدىڭ اقىل-وي قابىلەتتەرىنە قالاي اسەر ەتەتىنىن انىقتاۋ ماقساتىندا جۇرگىزدى.

ەلدەگى دەموگرافيالىق جاعدايعا، حالىقتىڭ ەرتە قارتايۋىنا جانە قىتايداعى قارت تۋىستارىنا قامقورلىق جاساۋ داستۇرىنەن بىرتىندەپ باس تارتۋعا بايلانىستى زەينەتكە شىعۋ جاسىنا اسەر ەتكەن جاڭا باعدارلاما قابىلداندى. الايدا زەرتتەۋشىلەر بۇل ەگدە جاستاعى ازاماتتاردىڭ كوگنيتيۆ قىزمەتىنە كەرى اسەر ەتكەنىن انىقتادى.

ماڭىزدى كورسەتكىشتەردىڭ ءبىرى - ەستە ساقتاۋ قابىلەتىنە اسەرى. ونى عالىمدار دەمەنسيانىڭ حابارشىسى دەپ اتايدى. ەرتە زەينەتكە شىعۋ بۇل اۋرۋدى اسقىندىراتىنى انىقتالدى.

ءبىر قىزىعى، زەينەتكە ەرتە شىعۋ ەگدە جاستاعى ايەلدەرگە كۇشتىرەك اسەر ەتتى.

زەينەتاقى تولەمدەرىن تولەۋ، كەرىسىنشە، دەنساۋلىق جاعدايىنا جاعىمدى اسەر ەتتى. ءبىراق ەرتەرەك زەينەتكە شىعۋ ءبىرقاتار باسقا اسپەكتىگە تەرىس اسەر ەتتى. مىسالى، الەۋمەتتىك بەلسەندىلىك دەڭگەيىنە.

«جالپى، ەرتە زەينەتكەرلىككە شىعۋدىڭ پسيحيكالىق جانە الەۋمەتتىك بەلسەندىلىككە جاعىمسىز سالدارى باعدارلامانىڭ باسقا جاعىمدى اسپەكتىلەرىنەن كوپ»، - دەدى نيكولوۆ.


سوڭعى جاڭالىقتار