ەلوردادا جالعان ديپلوممەن جۇمىس ىستەگەن مۇعالىمدەردىڭ ۇستىنەن ءىس قوزعالدى

None
استانا. قازاقپارات - ەلوردادا بىرنەشە مەكتەپتىڭ مۇعالىمدەرى جالعان ديپلوممەن بالالارعا ءبىلىم بەرگەن، دەپ حابارلايدى قازاقپارات استانا قالاسىنىڭ پروكۋراتۋراسىنا سىلتەمە جاساپ.

قالالىق پروكۋراتۋرا ءبىلىم بەرۋ ۇيىمدارى قىزمەتىنىڭ زاڭدىلىعىن تەكسەرۋ بارىسىندا مۇعالىمدەردىڭ جالعان ديپلومدى پايدالانۋ فاكتىلەرىن انىقتاعان.

«جۇمىسقا ورنالاسۋ كەزىندە 6 مەكتەپتىڭ مۇعالىمى جالعان ديپلوم كورسەتىپ، بالالاردى وقىتۋ قۇقىعىنا يە بولعان»، - دەپ جازىلعان استانا قالاسى پروكۋراتۋراسىنىڭ Facebook پاراقشاسىندا.

حابارلامادا ايتىلعانداي، قىلمىستىق كودەكستىڭ 385-بابى 3-بولىگىنە سايكەس جالعان قۇجاتتى پايدالانۋ بويىنشا سوتقا دەيىنگى تەرگەپ-تەكسەرۋ باستالدى.

«اتالعان ۇستازداردىڭ پەداگوگيكالىق قىزمەتى توقتاتىلدى»، - دەيدى ۆەدومستۆودان.

سوڭعى جاڭالىقتار