قازاقستاننىڭ ءبىرقاتار وڭىرىندە مەكتەپتەردە ساباق بولمايدى
قاراعاندى قالاسى ءبىلىم ءبولىمىنىڭ مالىمەتىنشە، ءبىرىنشى جانە ەكىنشى اۋىسىمداعى 0-4-سىنىپ وقۋشىلارى قاشىقتان وقيدى. 5-11-سىنىپ شتاتتىق رەجيمدە ساباققا بارادى. سونىمەن قاتار، وقۋشىلاردىڭ اتا-انالارىنا اۋا رايى قولايسىز بولعان جاعدايدا، مەكتەپتىڭ قاشىقتىعىن ەسكەرە وتىرىپ، اتا-انالار سىنىپ جەتەكشىسىنە ءوز شەشىمى تۋرالى ەسكەرتىپ، بالانىڭ مەكتەپكە بارۋى تۋرالى ءوز بەتىنشە شەشىم قابىلداي الاتىنىن ەسكە سالدى.
اباي وبلىسىنىڭ اكىمدىگىندە حابارلاعانداي، سەمەي قالاسى مەن ءۇرجار اۋدانىنداعى ءبىرىنشى اۋىسىمنىڭ 1-9-سىنىپ وقۋشىلارى، اياگوز، بەسقاراعاي، اقسۋات اۋداندارىنىڭ، كۋرچاتوۆ قالاسىنىڭ 1-11-سىنىپ وقۋشىلارى، بەسقاراعاي، اياگوز، جارما، كوكپەكتى، بورودۋليحا، اقسۋات اۋداندارىنداعى 1-11-سىنىپ وقۋشىلارى؛ اباي اۋدانىنداعى 1-4-سىنىپ وقۋشىلارى قاشىقتىقتان وقىتۋ فورماتىنا كوشەدى.
Noks.kz حابارلاۋىنشا، ايازعا بايلانىستى ءبىرىنشى اۋىسىمداعى ساباقتار شىعىس قازاقستان وبلىسىنىڭ بىرنەشە اۋدانى مەن قالالارىندا قاشىقتان وقىتۋ فورماتىنا اۋىستىرىلادى:
كۇرشىم اۋدانىندا (العاباس، توسكاين، قالجىر مەكتەپتەرى، №1-مارقاكول مەكتەبى، مارقاكول ش ي ك، ق. نۇرعاليەۆ اتىنداعى گيمنازيا، قاراتوعاي ورتا مەكتەبى)، گلۋبوكوە اۋدانى (ۆەسەلوۆ ورتا مەكتەبى)، قاتونقاراعاي اۋدانى (لاستايەۆ، رىكوۆ) 0-11-سىنىپقا دەيىن؛
كۇرشىم اۋدانىندا (اقجايلاۋ، ءۇشبۇلاق، بىرلىك، ۋرۋنحاي، باراق باتىر، جاڭاۋىل مەكتەپتەرى، كۇرشىم № 1، 4، 5، 3 ورتا مەكتەپتەرى، اقسۋات، شەڭگەلدى، قايىڭدى، تاقىر، اقبۇلاق مەكتەپتەرى) 0-9 سىنىپقا دەيىن؛
كۇرشىم اۋدانىندا (جولنۇسقاۋ، جيدەلى، كۇيگەن، مونىقوي، شاناعات، قاراشىلىك، قازاقستان مەكتەپتەرى)، قاتونقاراعاي اۋدانىندا (شىڭعىستاي، بارلىق، ارشاتى، اققاينار، ورەل، قابىرعا اۋىلدارى) 0-4-سىنىپ ارالىعىندا؛
سامار اۋدانىندا (سامارا №1-ورتا مەكتەپ، ج. بولعانبايەۆ اتىنداعى ورتا مەكتەپ-ليتسەيى، سامار باستاۋىش مەكتەبى) 0-دەن 4-سىنىپقا دەيىن.
بۇعان دەيىن حابارلانعانداي، 13-قاڭتاردا الماتىدا بارلىق وقۋشىلار، كوللەدجدەردىڭ ءبىرىنشى جانە ەكىنشى كۋرس ستۋدەنتتەرى قاشىقتان وقىتۋعا كوشەدى.
