قازاقستاندا قانشا كولىك تىركەلگەن
بۇل ونىڭ الدىڭعى جىلمەن سالىستىرعاندا 29,3 پايىز كوپ، دەپ حابارلايدى قازاقپارات ۇلتتىق ستاتيستيكا بيۋروسىنا سىلتەمە جاساپ.
ەسەپكە قويىلعان كولىكتەر اراسىندا جەڭىل اۆتوموبيلدەر سانى - 26,6 پايىز، جۇك ماشينالارى - 85,9 پايىز، اۆتوبۋستار 6 پايىزعا ارتقان.
ستاتيستيكاعا سايكەس، وتكەن جىلدىڭ 1- جەلتوقسانىنا دەيىن قازاقستاندا جالپى 4 ميلليون 403,6 مىڭ اۆتوكولىك تىركەلگەن. ونىڭ ىشىندە 87,8 پايىز - جەڭىل اۆتوموبيلدەر، 10,1 پايىز - جۇك ماشينالارى جانە 2,1 پايىز - اۆتوبۋستار.
2022-جىلعى قاڭتار-قاراشا ايلارى ارالىعىندا ەل اۋماعىندا 13407 جول-كولىك وقيعاسى بولدى. سالدارىنان 19511 ادام زارداپ شەكتى. اپاتتار سانى ءبىر جىل بۇرىنعى كەزەڭمەن سالىستىرعاندا 9,2 پايىز ارتقان (12272 جول-كولىك وقيعاسى، زارداپ شەكتى - 17896 ادام). ساقتاندىرۋ ۇيىمدارى ازاماتتاردىڭ 84631 ءوتىنىشى بويىنشا 44,9 ميلليارد تەڭگە سوماسىنا تولەم جاساعان.