الماتىدان سەنات دەپۋتاتى سايلاۋىنا تۇسەتىندەردىڭ ءبارى - ايەلدەر

None
الماتى. قازاقپارات - الماتى قالاسىنىڭ اۋماقتىق سايلاۋ كوميسسياسى پارلامەنت سەنات دەپۋتاتى سايلاۋىنا قالادان 4 ۇمىتكەر تۇسەتىن جاريالادى، دەپ حابارلايدى قازاقپارات ءتىلشىسى.

ۆەدومستۆونىڭ مالىمەتىنشە، الماتىدان سەنات دەپۋتاتى سايلاۋىنا تۇسەتىن ۇمىتكەرلەردىڭ بارلىعى ايەلدەر. ولار: «Youthart» ق ق ديرەكتورى كريستينا يۋريەۆنا بەكمۋرزايەۆا (1991 -جىلى تۋعان، ءوزىن-ءوزى ۇسىنعان)، «الماتى مەملەكەتتىك سەرۆيس جانە تەحنولوگيالار كوللەدجى» م ك ق ك ديرەكتورى جارقىن لەپەسوۆنا جانيازوۆا (1967 -جىلى تۋعان، ءوزىن-ءوزى ۇسىنعان)، الماتى قالاسى جەتىسۋ اۋدانىنىڭ اكىمى گۋلنارا احمەتجانوۆنا كوكەبايەۆا (1974 ج، «الماتى قالاسى جەتىسۋ اۋدانى اكىمىنىڭ اپپاراتى» كوممۋنالدىق مەملەكەتتىك مەكەمەسى، الماتى قالاسى، ءوزىن- ءوزى ۇسىنعان)، «الماتى قالاسىن دامىتۋ ورتالىعى» ا ق باسقارما ءتوراعاسىنىڭ كەڭەسشىسى جاننا بەيسەنتايەۆنا اسانوۆا (1975 -جىلى تۋعان، ءوزىن-ءوزى ۇسىنعان). سالالارى بويىنشا: 1 -مەملەكەتتىك كوممۋنالدىق كاسىپورىننىڭ قىزمەتكەرى، 1 كانديدات - مەملەكەتتىك قىزمەتشى، 1-كوممەرتسيالىق قۇرىلىمداردىڭ قىزمەتكەرى، 1-قوعامدىق ۇيىمنىڭ وكىلى.

ماماندىقتارى بويىنشا: زاڭگەرلەر-2، ينجەنەرلەر-1، ونەر سالاسى-1. بۇل رەتتە 1 كانديداتتىڭ ەكى ماماندىعى بار. ۇمىتكەرلەردىڭ ورتاشا جاسى 45.

«سايلاۋ كوميسسياسىندا الماتىدا كانديداتتاردى ۇسىنۋ 2022 -جىلعى 29-قاراشادان 14-جەلتوقسان ساعات 18.00 گە دەيىن جۇزەگە اسىرىلدى. الماتى قالاسى بويىنشا ءوزىن-ءوزى ۇسىنۋ ارقىلى ق ر پارلامەنتى سەناتىنىڭ دەپۋتاتتىعىنا 10 كانديدات ۇسىنىلعانىن حابارلادى.

«ولاردىڭ ۇشەۋى كونستيتۋتسيا مەن سايلاۋ تۋرالى كونستيتۋتسيالىق زاڭنىڭ تالاپتارىنا سايكەس كەلمەدى. ەكەۋى تىركەۋ ءۇشىن قاجەتتى قۇجاتتاردىڭ تولىق ءتىزىمىن ۇسىنبادى. 2022 -جىلدىڭ 24-جەلتوقسانىندا تىركەۋدىڭ اياقتالۋ مەرزىمىنىڭ سوڭعى كۇنىنە دەيىن بارلىعى 5 ۇمىتكەر تىركەلگەن ەدى. كانديداتتاردى تىركەگەننەن كەيىن سايلاۋ تۋرالى كونستيتۋتسيالىق زاڭدا بەلگىلەنگەن تارتىپكە ساي، الماتى قالاسىنىڭ سايلاۋ كوميسسياسى مەملەكەتتىك كىرىستەر دەپارتامەنتىنە اكتيۆتەر مەن مىندەتتەمەلەر تۋرالى مالىمەتتەردىڭ دۇرىستىعىن تەكسەرۋ تۋرالى سۇراۋ جولداعان بولاتىن. تاپسىرىلعان دەكلاراتسيا مەن ۋاكىلەتتى ورگانداردان الىنعان مالىمەتتەردىڭ سايكەس كەلمەۋىنە بايلانىستى الماتى قالاسى مەملەكەتتىك كىرىستەر دەپارتامەنتىنىڭ انىقتاماسى نەگىزىندە 2022 -جىلعى 25-جەلتوقساندا 1 كانديداتتى تىركەۋ تۋرالى شەشىمنىڭ كۇشى جويىلدى. وسىلايشا، 2023 -جىلعى 5 قاڭتارداعى جاعداي بويىنشا الماتى قالاسىنان 4 كانديدات تىركەلدى - ج. ب. اسانوۆا، ك. يۋ. بەكمۋرزايەۆا، ج. ل. جانيازوۆا جانە گ. ا. كوكەبايەۆا»، - دەدى ۆەدومستۆو.

سونداي-اق سەنات دەپۋتاتتارىن سايلاۋ جاناما جولمەن جۇرگىزىلەدى، ياعني وعان بارلىق حالىق قاتىسپايدى. سەنات دەپۋتتارىن بارلىق وڭىردەگى ءماسليحاتتاردىڭ دەپۋتاتتارى سايلايدى.

ەسكە سالايىق، 2023 -جىلدىڭ 14-قاڭتارىندا ەلىمىزدىڭ 20 وڭىرىنەن ءبىر-ءبىر سەنات دەپۋتاتىن سايلاۋ وتەدى.

ايتا كەتسەك، سەنات دەپۋتاتتىعىنا كانديداتتاردىڭ %95,5 ى ءوزىن-ءوزى ۇسىنعان.

اۆتور

دۋمان ارعىنگەلدى


سوڭعى جاڭالىقتار