ۇكىمەتتىك ەمەس ۇيىمدارعا ارنالعان مەملەكەتتىك گرانت كونكۋرسى باستالدى

بايقاۋ تۋرالى اقپارات جانە قوعامدىق دامۋ مينيسترلىگى ازاماتتىق باستامالاردى قولداۋ ورتالىعىنىڭ باسقارما ءتوراعاسى عالىم قۇرمان ايتىپ بەردى، دەپ حابارلايدى قازاقپارات ءتىلشىسى.

«ۇكىمەتتىك ەمەس ۇيىمدارعا 1 ميلليارد 292 ميلليون تەڭگە مەملەكەتتىك گرانت قارجىسى قاراستىرىلىپ وتىر. مەملەكەتتىك گرانت كونكۋرسى بۇگىن باستالدى جانە ول 6 باعىت بويىنشا وتەدى. گرانت ورىندالۋ مەرزىمىنە قاراي ۇشكە بولىنەدى: قىسقا، ورتا جانە ۇزاق مەرزىمدى. ونىڭ ىشىندە قىسقا جانە ورتا مەرزىم بويىنشا ءوتىنىش 1-اقپانعا دەيىن، ال ۇزاق مەرزىمدى گرانتقا ءوتىنىش 15 اقپانعا دەيىن قابىلدانادى»، - دەدى عالىم قۇرمان مينيسترلىكتىڭ Instagram پاراقشاسىندا وتكەن تىكەلەي ەفير بارىسىندا.

بيىل ۇ ە ۇ- عا 47 مەملەكەتتىك گرانت قاراستىرىلىپ وتىر. ونىڭ 22 ءسى قىسقا مەرزىمدى، 16سى ورتا جانە 9 ى ۇزاق مەرزىمدى جوبا.

«بايقاۋدى وتكىزۋدە ءبىز وپەراتور ءرولىن اتقارامىز. مەملەكەتتىك گرانتتاردى ءبولۋدى تاۋەلسىز ساراپشىلار باعالاپ، انىقتايدى. كونكۋرس بويىنشا باعالاۋدىڭ ءوز كريتەرييلەرى بار. بايقاۋعا بارلىق وڭىردەن ۇكىمەتتىك ەمەس ۇيىمدارى قاتىسا الادى»، - دەيدى سپيكەر.

ۇكىمەتتىك ەمەس ۇيىمدارعا مەملەكەتتىك گرانت مىنا 6 باعىت بويىنشا بولىنەدى:

1) حالىقتىڭ الەۋمەتتىك تۇرعىدان وسال توپتارىن قولداۋ؛

2) ازاماتتىق قوعامدى دامىتۋعا، ونىڭ ىشىندە ۇكىمەتتىك ەمەس ۇيىمدار قىزمەتىنىڭ تيىمدىلىگىن ارتتىرۋعا جاردەمدەسۋ؛

3) ازاماتتار مەن ۇيىمداردىڭ قۇقىقتارىن، زاڭدى مۇددەلەرىن قورعاۋ؛

4) قوعامدىق كەلىسىمدى جانە جالپىۇلتتىق بىرلىكتى نىعايتۋ؛

5) جاستار ساياساتى مەن بالالار باستامالارىن قولداۋ؛

6) وتباسىلىق- دەموگرافيالىق جانە گەندەرلىك ماسەلەلەردى شەشۋگە جاردەمدەسۋ.

قاتىسۋشىلار ءوتىنىمدى قاعاز نەمەسە ەلەكتروندى تۇردە قازاقستان رەسپۋبليكاسى، 010000, استانا ق. , ەسىل اۋدانى، قابانباي باتىر داڭعىلى، 11/5, «نۇرلى وردا» ب و، 5-قابات، 504/3 كابينەتكە جانە grants@cisc.kz ەلەكتروندىق پوشتاسىنا جولداۋى قاجەت.