ەڭ تومەنگى جالاقى مولشەرىن جىل سايىن يندەكساتسيالاۋ ۇسىنىلدى

None
استانا. قازاقپارات - ەڭ تومەنگى جالاقى مولشەرىن جىل سايىن يندەكساتسيالاۋ قاجەت. بۇل تۋرالى ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

«جۇمىس ىستەيتىن حالىقتىڭ تابىسىن ارتتىرۋ باعىتىندا دا جۇيەلى شارالار قابىلدانۋدا. اتاپ ايتقاندا، ازاماتتىق قىزمەتشىلەردىڭ جالاقىسىن كەزەڭ- كەزەڭمەن ارتتىرۋ جالعاسۋدا. وتكەن جىلدىڭ باسىنان بەرى ءبىلىم بەرۋ، دەنساۋلىق ساقتاۋ، الەۋمەتتىك سالاداعى جانە باسقا دا 1,2 ميلليون قىزمەتكەردىڭ جالاقىلارى كوتەرىلدى. سونىمەن قاتار، 2022- جىلى ەڭ تومەنگى جالاقى مولشەرى 60 مىڭ تەڭگەگە دەيىن جانە وسى جىلدىڭ باسىنان باستاپ 70 مىڭ تەڭگەگە دەيىن ۇلعايتىلدى. بيىل ءتيىستى ادىستەمە دايىندالادى. ءبىز ونى جىل سايىن يندەكساتسيالاپ وتىرۋىمىز كەرەك. بۇل 1,6 ميلليون جۇمىسكەردىڭ تابىسىنا وڭ اسەرىن بەردى»، - دەدى ۇكىمەت باسشىسى بۇگىن ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا ماجىلىسىندە.

سونداي- اق ول حالىقتى جۇمىسپەن قامتۋعا جاردەمدەسۋ بويىنشا كەشەندى شارالار ىسكە اسىرىلۋدا.

«وتكەن جىلى ۇلتتىق جوبالار مەن جەكە باستامالار اياسىندا 980 مىڭعا جۋىق ادام جۇمىسپەن قامتىلدى جانە وسى جۇمىستى ارى قاراي جالعاستىرۋىمىز قاجەت. الەۋمەتتىك قورعاۋ سالاسىنداعى زاڭنامانى جەتىلدىرۋ جانە دامىتۋ ءۇشىن الەۋمەتتىك كودەكس جوباسى ازىرلەنىپ، پارلامەنت ءماجىلىسىنىڭ قاراۋىنا ەنگىزىلدى. بۇل اسا ماڭىزدى قۇجات قازاقستاندىقتاردىڭ بازالىق الەۋمەتتىك قۇقىقتارىن بەلگىلەيدى، ءومىر ءسۇرۋ ساپاسىن ارتتىرۋعا ىقپال ەتەدى»، - دەدى ءاليحان سمايىلوۆ.


سوڭعى جاڭالىقتار