بۋرابايداعى بالا ءولىمى: لاگەر باسشىلىعى قاتاڭ جازاعا تارتىلادى

None
استانا. قازاقپارات - وقۋ- اعارتۋ ءمينيسترى عاني بەيسەمبايەۆ بۋرابايداعى بالالار لاگەرىندە بولعان بالانىڭ ولىمىنە قاتىستى تۇسىنىك بەردى، دەپ حابارلايدى قازاقپارات ءتىلشىسى.

«وتە اۋىر جاعداي. الدىمەن، نۇرداۋلەتتىڭ اتا- اناسى مەن جاقىندارىنا قايعىرا كوڭىل ايتامىن. بۇل جايت بويىنشا كوميسسيا قۇرىلدى. وقيعانىڭ ءمان- جايى ءجىتى تەكسەرىلەدى. ماسەلەنى جەكە باقىلاۋىمدا ۇستايمىن. تەكسەرىس ناتيجەسىنەن كەيىن لاگەر باسشىلىعى قاتاڭ جازاعا تارتىلادى. ءوز كەزەگىندە قۇقىق قورعاۋ ورگاندارى دا تەرگەپ- تەكسەرۋ امالىن جۇرگىزىپ جاتىر»، - دەدى عاني بەيسەمبايەۆ مينيسترلىكتىڭ كەڭەيتىلگەن القا وتىرىسىنان كەيىن تىلشىلەردىڭ ساۋالىنا جاۋاپ بەرە تۇرىپ.

سونداي- اق، مينيستر وقيعانىڭ ءمان- جايى انىقتالعاننان كەيىن حابار تاراتىلاتىنىن ايتتى.

ەسكە سالايىق، اقمولا وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، بالانىڭ قازاسى تۋرالى 11-قاڭتار كۇنى ساعات 6:36 دا بۋراباي اۋداندىق پوليسيا بولىمىنە جەدەل جاردەم ستانتسياسىنىڭ فەلدشەرى حابارلاعان.

«انىقتالعانىنداي، ءجاسوسپىرىم 9-قاڭتاردا اقتوبە وبلىسىنان بۋراباي اۋدانىنا بالالار توبىنىڭ قۇرامىندا كەلگەن. قاڭتاردىڭ 10 ىنان 11 ىنە قاراعان ءتۇنى ءجاسوسپىرىم ءىشى اۋىرىپ تۇرعانىن ايتقان. تاڭەرتەڭ ساعات 5:00 شاماسىندا اۋىرسىنۋدىڭ كۇشەيۋىنە بايلانىستى كەشەننىڭ مەديتسينالىق بولىمىنە جۇگىنىپ، جەدەل جاردەم شاقىرىلعان. الايدا، جەدەل جاردەم كەلگەنگە دەيىن بالا كوز جۇمعان. العاشقى تەكسەرۋ كەزىندە زورلىق- زومبىلىقتىڭ سىرتقى بەلگىلەرى بايقالعان جوق»، - دەگەن اقپارات تارتتى ۆەدومستۆو.

سوڭعى جاڭالىقتار