ەلىمىزدە جۋرناليستىڭ جۇمىسىنا كەدەرگى كەلتىرەتىندەرگە جاۋاپكەرشىلىك كۇشەيتىلمەك

None
استانا. قازاقپارات - اقپارات جانە قوعامدىق دامۋ مينيسترلىگى «ق ر اكىمشىلىك قۇقىق بۇزۋ تۋرالى كودەكسىنە وزگەرىستەر مەن تولىقتىرۋ ەنگىزۋ تۋرالى» ق ر زاڭىنىڭ جوباسىنا رەتتەۋشىلىك ساياساتتىڭ كونسۋلتاتيۆتىك قۇجاتىن ازىرلەدى، دەپ حابارلايدى قازاقپارات ءتىلشىسى.

وندا كورسەتىلگەندەي، كودەكسكە جۋرناليستىڭ زاڭدى كاسىبي قىزمەتىنە كەدەرگى جاساعانى ءۇشىن جاۋاپكەرشىلىكتى كۇشەيتۋ نورماسى ەنگىزىلمەك.

«ستاتيستيكاعا سايكەس، سوڭعى 5 جىلدا ق ر قىلمىستىق كودەكسىنىڭ 158-بابى (جۋرناليستىڭ زاڭدى كاسىپتىك قىزمەتىنە ونى اقپارات تاراتۋعا ماجبۇرلەۋ نە ونى تاراتۋدان باس تارتۋ ارقىلى، سول سياقتى جۋرناليستىڭ زاڭدى كاسىپتىك قىزمەتىن ورىنداۋىنا كەدەرگى كەلتىرەتىن نە ونى وسى مۇمكىندىكتەن تولىعىمەن ايىراتىن جاعدايلار جاساۋ ارقىلى كەدەرگى جاساۋ) بويىنشا سوتقا دەيىنگى تەرگەۋدىڭ نەبارى 9 فاكتىسى تىركەلدى. بۇل ءبىرىنشى كەزەكتە اكىمشىلىك جاۋاپكەرشىلىكتى قوسىمشا ەنگىزۋ قاجەتتىگىن كورسەتەدى»، - دەلىنگەن قۇجاتتا.

مۇنى جۇزەگە اسىرۋ ءۇشىن مينيسترلىك جۋرناليستىڭ كاسىبي قىزمەتىن رەتتەيتىن قىلمىستىق كودەكستەگى 158-باپتىڭ ءبىرىنشى بولىگىن اكىمشىلىك قۇقىق بۇزۋ تۋرالى كودەكسكە كوشىرەدى.

قۇجاتتى اشىق تالقىلاۋ 31-قاڭتارعا دەيىن جالعاسادى.

اۆتور

ءاليحان اسقار


سوڭعى جاڭالىقتار