توتەنشە جاعدايلار دەپارتامەنتى الماتىلىقتارعا ايازعا بايلانىستى ەسكەرتۋ جاسادى
سينوپتيكتەردىڭ بولجامىنا سايكەس، 12-16-قاڭتار ارالىعىندا مەگاپوليستە اۋا تەمپەراتۋراسى -25 گرادۋسقا دەيىن تومەندەيدى. بۇل الماتى قالاسى ءۇشىن ءقاۋىپتى مەتەورولوگيالىق قۇبىلىستى بىلدىرەدى.
«وسىعان بايلانىستى، الماتى قالاسىنىڭ توتەنشە جاعدايلار دەپارتامەنتى تۇرعىنداردان قىسقى كەزەڭدە ساقتىق شارالارىن ۇستانۋدى سۇرايدى. كوشەگە ۇزاق سەرۋەندەمەڭىز، قاجەتسىز قالادان تىس جەرلەرگە بارماڭىز، كوشەگە شىققاندا جىلى كيىنىڭىز»، - دەلىنگەن حابارلامادا.
سونىمەن قاتار، ۆەدومستۆو مۇددەلى مەملەكەتتىك ورگاندار مەن ۇيىمدارعا حالىقتىڭ تىنىس-تىرشىلىگىن قامتاماسىز ەتۋ وبەكتىلەرىنە باقىلاۋدى كۇشەيتۋ بويىنشا قوسىمشا شارالار قابىلداۋ تۋرالى اقپاراتتىق حابارلامالار جىبەردى.
بۇعان دەيىن 12-13-قاڭتاردا الماتىدا مەكتەپ وقۋشىلارى مەن كوللەدج ستۋدەنتتەرى قاشىقتان وقۋ فورماتىنا كوشكەنى تۋرالى جازعان بولاتىنبىز.
