ءاليحان سمايىلوۆ ينفلياتسيانىڭ بيىلعى مەجەسىن اتادى
«بىرىنشىدەن، الەۋمەتتىك ماڭىزى بار ازىق-تۇلىك تاۋارلارى باعاسىنىڭ تۇراقتىلىعىن قامتاماسىز ەتۋ قاجەت. حالىق ءۇشىن بۇل جۇمىستاردىڭ ماڭىزى وتە زور جانە ول مەملەكەت باسشىسىنىڭ ەرەكشە باقىلاۋىندا»، - دەدى پرەمەر-مينيستر.
ونىڭ ايتۋىنشا، باعا بەلگىلەۋگە كوپتەگەن فاكتورلار اسەر ەتەدى.
«مينيسترلىك ءتيىستى مەملەكەتتىك جانە جەرگىلىكتى اتقارۋشى ورگاندارمەن بىرگە ۇيلەسىمدى جۇمىس ىستەۋى ءتيىس. دەلدالدىق ارەكەتتەردى انىقتاۋ جانە الەۋمەتتىك ماڭىزى بار ازىق-تۇلىك تاۋارلارىنىڭ باعاسىن ادەيى ءوسىرۋ فاكتىلەرىنىڭ جولىن كەسۋ ءۇشىن ءتيىستى جۇمىستاردى كۇشەيتۋدى تاپسىرامىن.
سونداي-اق ساۋدا ۇستەمەسى مەن سىياقىلاردى، جاڭا فورماتتاعى اينالىم سحەماسىن ىسكە اسىرۋدى باقىلاۋدى بەلسەندى تۇردە جۇرگىزۋ قاجەت. 2023-جىلى ينفلياتسيا دەڭگەيى %9,5 تەن اسپاۋى ءتيىس. بۇل - ءبىزدىڭ باستى مىندەتىمىز»، - دەدى ءاليحان سمايىلوۆ.
