قازاق-وزبەك شەكاراسىندا «ورتالىق ازيا» ونەركاسىپتىك كووپەراتسيا ورتالىعى قۇرىلادى

None
استانا. قازاقپارات - قازىرگى تاڭدا وزبەكستانمەن اراداعى شەكارادا «ورتالىق ازيا» حالىقارالىق ونەركاسىپتىك كووپەراتسيا ورتالىعى قۇرىلىپ جاتىر.

ساۋدا جانە ينتەگراتسيا مينيسترلىگىنىڭ كەڭەيتىلگەن القا وترىسىندا ۆەدومستۆو باسشىسى سەرىك جۇمانعارين وسىلاي مالىمدەدى، دەپ حابارلايدى «قازاقپارات» ءتىلشىسى.

«شەكارا ماڭىنداعى ساۋدا، كولىك، لوگيستيكا جانە ونەركاسىپتىك كووپەراتسيا ورتالىقتارىنىڭ جەلىلەرىن اشۋ بويىنشا جۇمىستار جۇرگىزىلىپ جاتىر. قازىرگى تاڭدا وزبەكستانمەن اراداعى شەكارادا «ورتالىق ازيا» حالىقارالىق ونەركاسىپتىك كووپەراتسيا ورتالىعىن قۇرۋ باستالدى. جول كارتاسى بەكىتىلدى، ورتالىقتىڭ ورنالاساتىن جەرى انىقتالدى جانە جوبانىڭ تەحنيكالىق-ەكونوميكالىق نەگىزدەمەسى ازىرلەندى. وعان جۇمسالاتىن قاراجات وزبەكستان اۋماعىنداعى بولىگى ءۇشىن شامامەن - 45 ميلليون دوللار، ال قازاقستان اۋماعىندا - شامامەن 100 ميلليون دوللار»، - دەپ ءمالىم ەتتى ساۋدا جانە ينتەگراتسيا ءمينيسترى سەرىك جۇمانعارين.

سونىمەن قاتار، مينيستر القا وترىسىندا بىلتىرعى جىلدىڭ 10 ايىندا قازاقستاننىڭ سىرتقى تاۋار اينالىمى 34,1 پايىزعا وسكەنىن اتاپ ءوتتى.

سوڭعى جاڭالىقتار