جاراسىمدى جۇپسىز با؟ تۋعان كۇن بويىنشا تەكسەرىپ كورىڭىز

None
استانا. قازاقپارات - سەرىگىڭىزبەن ۇيلەسىمدىلىگىڭىزدى نۋمەرولوگيا بويىنشا تەكسەرىپ كورۋگە بولادى.

ەركەك پەن ايەلدىڭ ۇيلەسىمدىلىگىن انىقتاۋ ءۇشىن ولاردىڭ تۋعان كۇنى مەن ايى قاجەت. بۇل ارقىلى ءسىز وزدەرىڭىزدىڭ مىقتى جانە ءالسىز تۇستارىڭىزدى بىلە الاسىز. سوعان بايلانىستى قاتىناستا نە نارسەمەن جۇمىس ىستەۋ كەرەگىن انىقتايسىز.

الدىمەن ءوزىڭىزدىڭ تۋعان كۇنىڭىز بەن ايىڭىزدىڭ ساندارىن قوسىڭىز. مىسالى، ءسىز 26 مامىردا (26.05) دۇنيەگە كەلدىڭىز: 2+6+0+5=13. ەگەر ەكى تاڭبالى سان شىقسا، ولاردى تاعى دا قوسامىز: 1+3=4. ياعني، ءسىزدىڭ سانىڭىز - 4.

ءدال وسى رەتپەن سەرىگىڭىزدىڭ سانىن انىقتايسىز. ال ەندى نۋمەرولوگيا بويىنشا ۇيلەسىمدىلىكتى قارايمىز:

1+1 - بۇل ەكى جەكە تۇلعانىڭ قوسىلۋى. ۇنەمى ءبىر-ءبىرىن باسۋعا تىرىسادى جانە سەرىگىنە كونگىسى كەلمەيدى.

1+2 - ۇيلەسىمدى جۇپ. ءبىراق 2 سانى ايەلدىكى، 1 سانى ەركەكتىكى بولعانى جاقسى. سەبەبى 1 سانى جۇپقا بەلسەندىلىك، قارقىندىلىق سىيلايدى. 2 سانى قامقورلىق كۇتەدى، ال 1 سانى قامقورلىق تا، تۇسىنىستىك تە بىلدىرە الادى.

1+3 - بۇل جەردە ىسكەرلىك ۇيلەسىمدىلىك بار. ءبىر-ءبىرىن جاقسى تولىقتىرادى. ناعىز ماحابباتقا قاراعاندا دوستىق بولۋى مۇمكىن.

1+4 - بۇل دا ىسكەرلىك سەرىكتەستىككە جاقسى. ال جەكە ومىرگە كەلەر بولساق، بۇل ادامدار ءارتۇرلى ىرعاقتا ءومىر سۇرەتىندىكتەن، ءوزارا قارىم-قاتىناس قۇرۋ قيىنىراق. 1 سانى بەلسەندى، جىلدام «جانادى»، ال 4 سانى جاعدايلاردىڭ جىلدام وزگەرىسىن جاقسى كورمەيدى.

1+5 - قاتىناس تۇراقسىز بولۋى مۇمكىن: 1 - قىزبا جانە بەلسەندى، ال 5 - ەركىندىكتى جاقسى كورەدى.

1+6 - وتە جاقسى ۇيلەسىمدىلىك. اسىرەسە، ايەلدىڭ سانى – 6، ال ەركەكتىكى 1 بولعانى جاقسى.

1+7 - قارىم-قاتىناس ۇزاققا سوزىلادى، ءبىراق سەزىم جەتىسپەيدى. ولار ءبىرىن-ءبىرى جاقسى تولىقتىرادى، الايدا ولاردىڭ اراسىندا ماحابباتقا قاراعاندا دوستىق باسىم.

1+8 - بۇل جۇپقا دا سەزىم جەتىسپەيدى. ولار ىسكەرلىك، ماتەريالدىق جانە كاسىبي قاتىناستا ءبىر-ءبىرىن جاقسى تولىقتىرادى.

1+9 - ۇيلەسىمدى جۇپ: بۇل جەردە ماحاببات تا، دوستىق تا بار. ءبىر-ءبىرىن جاقسى تولىقتىراتىن تۇلعالار.

2+2 - ءبىر-ءبىرى ءۇشىن جارالعان ادامدار. ءبىراق پروبلەمالىق جۇپ بولۋى مۇمكىن. اركىم ءوز تولقىنىندا ءومىر سۇرەدى، ماحابباتتا تۇسىنىستىك جەتىسپەيدى. ءبىر-ءبىرىن تىنىشتاندىرا المايدى.

2+3 - ۇيلەسىمدى جۇپ. 2 سانى ەموتسيونالدى جايلىلىق سىيلاسا، 3 باستاما بىلدىرەدى.

2+4 - جۇپتىڭ بولاشاعى بار. ءبىر-ءبىرىن جاقسى تۇسىنەدى جانە باعالايدى. الايدا ءبىر پروبلەما بار: ەكەۋى دە ءبىرىنشى قادام جاساپ، شەشىم قابىلداعىسى كەلمەيدى.

2+5 - بۇل جۇپتا ءبىر-بىرىنە تارتىلىس بار. ءبىراق قاتىناس تۇراقسىز بولۋى مۇمكىن. سەبەبى 2 سانىندا دا، 5 سانىندا دا قۇبىلمالىلىق بار.

2+6 - جۇپتىڭ بولاشاعى زور. ومىرلەرىنىڭ سوڭىنا دەيىن ماحاببات پەن ۇيلەسىمدىلىك ساقتالادى. ءبىر-ءبىرىن وتە جاقسى تۇسىنەدى جانە ءبىر-ءبىرىن تولىقتىرادى. بۇل جۇپتان وتە جاقسى وتباسى شىعادى.

2+7 - جاقسى دوستىق قارىم-قاتىناس. ماحاببات تۇرعىسىنان پروبلەمالار تۋىنداۋى مۇمكىن. سەبەبى 7 سانىنا ءوز سەزىمدەرىن اشىق ءبىلدىرۋ قيىن، ال 2 وعان مۇقتاج.

2+8 - ۇيلەسىمدى جۇپ. 8 بارلىعىن ۇيىمداستىرادى، قورعايدى، ال 2 ەموتسيونالدى جايلىلىق سىيلايدى.

2+9 - جاقسى دوستىق قارىم-قاتىناس بولۋى مۇمكىن، ال ماحاببات سيرەك كەزدەسەدى. ەموتسيونالدى تۇرعىدا ايىرماشىلىق بار: 2 ءوزارا قارىم-قاتىناس قۇرۋعا تىرىسادى، ال 9 سىرتقى ىستەردەن بوسامايدى.

3+3 - جاقسى دوستىق جانە كاسىبي قاتىناستاعى جۇپ شىعادى. ءبىر جاعىنان قىزىقتى وداق، ال باسقا جاعىنان قاتىناستا سۋىقتىق بولۋى مۇمكىن. سەبەبى ولار تاۋەلدىلىكتى ۇناتپايدى.

3+4 - ۇيلەسىمدى جۇپ. 3 قاتىناسقا باستاما بەرسە، 4 تۇراقتىلىق سىيلايدى.

3+5 - ۇيلەسىمدى جۇپ. ەكەۋى دە ساياحاتتاعاندى جانە ورتاق اسەر العاندى جاقسى كورەدى.

3+6 - جۇپتىڭ بولاشاعى زور. ماحاببات تا، ۇيلەسىمدىلىك تە بار.

3+7 - زياتكەرلىك ۇيلەسىم جاعىنان جاقسى جۇپ شىعادى. ال ماحاببات تۇرعىسىنان وڭاي بولماۋى مۇمكىن. سەبەبى 3 كوڭىل كوتەرگەندى جاقسى كورەدى، ال 7 جالعىز قالعاندى ۇناتادى.

3+8 - ىسكەرلىك ۇيلەسىم بولۋى مۇمكىن، ءبىراق ماحاببات وداعىندا پروبلەما بولادى. 8 بارلىعىن باقىلاعىسى كەلەدى، ال 3 قىسىمدى جەك كورەدى.

3+9 - ۇيلەسىمدى جۇپ. قىزىعۋشىلىقتارى ورتاق جانە ەكەۋى دە الەمدى تانىعىسى كەلەدى.

4+4 - بۇل جۇپتىڭ قاتىناسى تۇراقتى جانە بەرىك. الايدا قاتىناستا قىرسىقتىق بولۋى مۇمكىن.

4+5 - ءبىر-ءبىرىن تۇسىنبەيدى جانە قىزىعۋشىلىقتارى ءارتۇرلى.

4+6 - باقىتتى جۇپ. قاتىناستا باقىت، ماحاببات جانە ۇيلەسىمدىلىك بار.

4+7 - ەكەۋى دە ۇستامدى، سوندىقتان دا قاتىناس ۇزاققا سوزىلادى. ءبىر-ءبىرىن جاقسى تۇسىنەدى.

4+8 - ەكەۋى دە تۇراقتىلىقتى جاقسى كورەدى، ءبىراق بيلىككە تالاس سەبەبىنەن قاتىناستا پروبلەمالار تۋىنداۋى مۇمكىن.

4+9 - بۇل ەكى سان ءجيى جاقىنداسادى، ءبىراق مۇنداي ادامدار ماڭگىلىككە قوسىلۋى دا، ايىرىلىسىپ كەتۋى دە مۇمكىن. بۇل جەردە ءوزارا تارتىلىستىڭ بارى انىق.

5+5 - ۇيلەسىمدى جۇپ. ەموتسيونالدى ىرعاقتارى دا، پىكىرلەرى دە ۇقسايدى. ولاردى ەركىندىكتى اڭساۋلارى، وزگەرىستى قالاۋلارى جانە ساياحاتتاۋ بىرىكتىرەدى.

5+6 - 6 ۇيلەسىمدى جانە ۇزاق قارىم قاتىناستى قالايدى، ال 5 بارلىق نارسەدەن وزگەرىس ىزدەيدى.

5+7 - ءبىر-ءبىرىن جاقسى تولىقتىراتىن جۇپ. ەكەۋى دە تاۋەلسىز. قاتىناستىڭ ۇزاققا سوزىلۋىنا ورتاق قىزىعۋشىلىقتارى ىقپال ەتەدى.

5+8 - ءبىر-ءبىرىن جاقسى تۇسىنەدى. قاتىناستا ەكەۋى دە تاۋەلدىلىك پەن شەكتەۋدى ۇناتپايدى.

5+9 - ۇيلەسىمدى جۇپ. بۇل جەردە ارماندارعا، ساياحاتتارعا، جاڭا جوسپارلارعا ورىن بار. ەكەۋى دە كۇندەلىكتى ىستەر مەن تۇرمىستىق پروبلەمالارعا ارالاسا بەرمەيدى.

6+6 - جاقسى ۇيلەسىم. ءبىراق قاتىناستا تۇيىقتىق بار: ەكەۋى دە ءبىر-بىرىنە اشىلا بەرمەيدى.

6+7 - جاقسى دوستار بولا الاسىزدار. 6 قوعامدا بولعاندى جاقسى كورەدى، ال 7 جالعىزدىقتى ۇناتادى.

6+8 - يدەاليست پەن ماتەرياليست وداعى. ىسكەرلىك قارىم-قاتىناستا كەلىسپەۋشىلىك بولۋى مۇمكىن. 6 مەن 8 ءدىڭ ىرعاقتارى ءارتۇرلى. ەگەر ءبىر-بىرىنە كونسە، قاتىناس ۇزاققا سوزىلۋى مۇمكىن.

6+9 - ۇيلەسىمدى جۇپ. فيزيكالىق تا، رۋحاني دە ۇيلەسىمدىلىك بار.

7+7 - جاقسى دوس بولا الاسىزدار. ەكەۋى دە جالعىز بولعاندى قالايدى. ۇيلەسىمدى وتباسىلىق قاتىناس قۇرۋ ءۇشىن ءبىر-بىرىنە اشىلۋى كەرەك.

7+8 - مىنەزدەرى ءبىر-بىرىنە ساي كەلمەيدى. 8 سانى پايداكۇنەم، رەنجىگىش، قىسىم كورسەتۋگە بەيىم. ال 7 ەركىندىكتى جاقسى كورەدى. ەگەر وتباسىلى بولعىسى كەلسە، ەكەۋى دە ءوز-وزدەرىمەن جۇمىس ىستەۋى كەرەك.

7+9 - ەكەۋىن رۋحاني باعىت بىرىكتىرەدى. ەكەۋى دە تۇرمىستىق شارۋالاردى جاقسى كورمەيدى. بۇل وداق تۇرمىستىق تۇرعىداعى سىناقتى كوتەرە الماۋى مۇمكىن.

8+8 - ەگەر ءبىر-بىرىمەن ساناسپاسا، شەگىنىپ ۇيرەنسە، جاقسى جۇپ شىعۋى مۇمكىن.

8+9 - 8 سانى 9 دى باسپاسا، جاقسى جۇپ شىعۋى مۇمكىن. الايدا ولاردان كاسىبي تۇرعىدا جاقسى سەرىكتەستىك پايدا بولادى. 9 ەرەكشە يدەيالار بەرەدى، ال 8 ماتەريالدىق بازامەن قامتاماسىز ەتەدى.

9+9 - ۇيلەسىمدى جۇپ. ەكەۋى ءبىر-ءبىرىن جاقسى تۇسىنەدى. ءبىراق اراسىندا كەلىسپەۋشىلىكتەر مەن اشۋ ورىن الۋى مۇمكىن.

massaget.kz


سوڭعى جاڭالىقتار